និយាយពីតារាស្រីអ្នកនាង ពេជ្រ សោភា ប៉ុន្មានថ្ងៃកន្លងទៅ ជាថ្ងៃខួបកំណើតគម្រប់អាយុ ៤០ ឆ្នាំ ដែលបានឃើញអ្នកនាងរៀបចំកម្មពិធីជួបជុំអ្នកគាំទ្រយ៉ាងអ៊ូអរ ព្រមទាំងទទួលបានការអបអរជូនពរពីមហាជនអ្នកគាំទ្រលើបណ្ដាញសង្គម និង មិត្តអ្នកសិល្បៈជាបន្តបន្ទាប់។
ក្រឡែកមើលហ្វេសប៊ុករបស់ប្ដីប្រពន្ធលោក ថមមី និង អ្នកនាង សួស វីសា វិញ ក៏បានឃើញបង្ហាញការអបអរជូនពរដល់រៀមច្បង ពេជ្រ សោភា ក្នុងថ្ងៃកំណើតផងដែរ។ លើសពីនេះ អ្វីកាន់តែចាប់អារម្មណ៍ទៀត ខណៈបានឃើញ លោក ថមមី បង្ហោះពីអ្នកនាង ពេជ្រ សោភា ស្រមៃដល់ថ្ងៃពិសេសរបស់នាង បើសិនជានាងរៀបការ លោកនឹងតុបតែងខ្លួនជាស្រីដាក់ប្រជ្រុយឱ្យផ្អើលរោងការម្ដង។
ក្នុងនោះ លោក ថមមី បានរៀបរាប់ថា ៖ «ឧទាហរណ៍ បើ ពេជ្រ សោភា រៀបការវិញ ខ្ញុំនឹងតែងស្រីដាក់ប្រជ្រុយធំ ឱ្យផ្អើលរោងហ្នឹងម្តង ពេជ្រ សោភា Pich Sophea រៀបការលឿនៗមក ឃ្លានស៊ីការអ្នកណាស់ ស៊ែរឱ្យគាត់ឃើញផងហ្វេនៗ»។ ជាមួយគ្នានោះ ភរិយារបស់លោក គឺអ្នកនាង សួស វីសា ក៏បានចូលខមមិនបន្តទៀតថា ៖ «បើបងឯងតែងស្រី ខ្ញុំសុំតែងប្រុសវិញ បណ្តើរគ្នាឱ្យណាណីម្តង»៕
