សារព័ត៌មាន Khaosod បានរាយការណ៍ពីករណីដែលទូកមួយគ្រឿងធំ ត្រូវទឹកគួចកណ្តាលទន្លេចៅផ្រះយ៉ា បង្កឱ្យប៊ិះជ្រុលទៅបុកប៉មបុរាណនៅមាត់ទន្លេ ធ្វើឱ្យអ្នកស្រុកប្រហោងពោះធ្លុង។
តាមព័ត៌មានបានឱ្យដឹងថា ហេតុការណ៍នេះបានកើតឡើងកាលពីថ្ងៃទី ១៧ ខែកញ្ញា ឆ្នាំ ២០២៥ កន្លងទៅ ដែលទូកមួយគ្រឿងធំនេះបានធ្វើដំណើរតាមដងទន្លចៅផ្រះយ៉ា ដោយមានសណ្តោងទូកដែកមួយគ្រឿងទៀតមកជាមួយផង តែខណៈមកដល់កន្លែងកើតហេតុ ស្រាប់តែត្រូវខ្សែទឹកកួចយ៉ាងខ្លាំង ហើយទូកដែកក៏រសាត់ចេញ ទើបទូកធំក៏បានប្រឹងទាញមកវិញ តែក៏ជ្រុលចង្កូតស្ទើរនឹងទៅបុកនឹងប៉មបុរាណ ដែលស្ថិតនៅតាមដងទន្លេចៅផ្រះយ៉ា នាខេត្តអយុធ្យា។
យ៉ាងណាមិញ ជាសំណាងល្អដែលអ្នកបើកបរមានសា្មរតីល្អ អាចទាញចង្កូត និងទាញទូកដែកនោះចេញទាន់ ដែលមិនបង្កឱ្យមានការប៉ះពាល់ដល់ប៉មបុរាណនោះឡើយ។ តែយ៉ាងណាក៏ដោយ អ្នកស្រុកដែលបានឃើញហេតុការណ៍នេះ ម្នាក់ៗសឹងតែប្រហោងពោះធ្លុងទៅហើយ៕
ប្រភព៖ Khaosod
