ឮគេថាប្តីប្រពន្ធសម្តែងជាមួយគ្នាអៀនៗ តែ ខាយ និង ភរិយា ប៉ះគ្នាក្នុងសាច់រឿង សម្តែងលះៗល្អណាស់

បើគិតមកពេលនេះ រយៈពេល ៤ ខែមកហើយ ដែលប្រុសសង្ហាលោក ខាយ បានដឹកដៃ អ្នកនាង មុន្នីនាថ ចូលរោងការ បញ្ចប់ឈ្មោះជាគូដណ្តឹង ក្លាយជាប្តីប្រពន្ធនឹងគ្នា។

ក្នុងនោះដែរ ក្រោយរៀបការសាងគ្រួសារហើយនោះ គេបានឃើញគូស្វាមីភរិយាខាងលើ កាន់តែមមាញឹកខ្លាំងទាំងការងារសិល្បៈ និង ក្រៅសិល្បៈផងដែរ ខណៈអ្នកនាង មុន្នីនាថ មានហាងលក់ដូរក្នុងដៃមួយចំនួនផងនោះ។

ងាកមកកាន់ការងារសិល្បៈឯណោះវិញ ក្រោយរៀបការរួច គេបានសង្កេតឃើញថា លោក ខាយ និង អ្នកនាង មុន្នីនាថ ត្រូវបានបណ្តាក្រុមហ៊ុនមួយចំនួនជ្រើសរើសអ្នកទាំង ២ ទៅធ្វើជា BA ទាំងគូតែម្តង។ ម្យ៉ាងវិញទៀត កន្លងមកនេះ អ្នកគាំទ្របានឃើញប្តីប្រពន្ធមួយគូនេះ ចាប់ដៃគ្នាសម្តែង MV និង ថតរឿងភាគខ្លីជាមួយគ្នាទៀតផង។

ជាការពិតណាស់ ក្នុងរង្វង់សិល្បៈធ្លាប់បានឮច្រើនមកហើយថា ភាគច្រើន គូស្នេហ៍ និង ប្តីប្រពន្ធមិនសូវសម្តែងប៉ះគ្នាប៉ុន្មាននោះទេ ព្រោះថាពេលសម្តែងអាចអៀនគ្នា ឬសម្តែងមិនសូវលះ ប៉ុន្តែក្រឡេកមកមើល លោក ខាយ និង អ្នកនាង មុន្នីនាថ វិញ គឺរាល់ពេលសម្តែងរួមគ្នាម្តងៗកាន់តែធ្វើបានល្អ៕