មានករណីដ៏គួរឱ្យភ្ញាក់ផ្អើលមួយបានកើតឡើងនៅឃុំ Nong Phra ស្រុក Wang Sai Poon ខេត្ត Phichit ប្រទេសថៃ ដែលមានក្មេងប្រុសអាយុ ៩ ឆ្នាំម្នាក់ បានដើរលេងតាមផ្លូវ ស្រាប់តែទៅឃើញគ្រាប់បែប ឆ្លៀតរើសមកលេង ស្រាប់តែផ្ទុះស្លាប់នៅនឹងកន្លែង។
កាលពីថ្ងៃទី ២ ខែមីនា ឆ្នាំ ២០២៥ កន្លងទៅនេះ មានព័ត៌មានបានរាយការណ៍ថា ក្មេងប្រុសខាងលើនេះ បានដើរលេងតាមផ្លូវនៅជិតផ្ទះរបស់ខ្លួន ស្រាប់តែឃើញរបស់អ្វីម្យ៉ាងប្លែកៗ មិនដឹងថាជាគ្រាប់បែកឡើយ ហើយក៏បានរើសយកមកមើល ក៏ស្រាប់តែផ្ទុះបណ្តាលឱ្យស្លាប់នៅនឹងកន្លែងតែម្តង ធ្វើឱ្យក្រុមគ្រួសារយំសោកស្ដាយយ៉ាងខ្លាំង។
យ៉ាងណាមិញ តាមព័ត៌មានបានឱ្យដឹងទៀតថា គ្រាប់បែកនៅម្តុំនោះទាំងអស់មាន ៥ គ្រាប់ ហើយ ៣ គ្រាប់បានផ្ទុះទៅហើយ ចំណែកក្មេងមករើសបានគ្រាប់ទី ៤ ក៏ផ្ទុះបណ្តាលឱ្យស្លាប់ រីឯគ្រាប់ទី ៥ ក៏ត្រូវបានអាជ្ញាធរចុះមកយកទៅបាត់ហើយ៕
ប្រភព៖ Khaosod
