បើគិតមកដល់ពេលនេះរយៈពេលប្រមាណជាងកន្លះឆ្នាំមកហើយ ដែលតារាចម្រៀងលោក ខាយ បានបញ្ចប់ភាពនៅលីវ ដឹកដៃស្រីស្អាតកូនអ្នកខេត្តសៀមរាប មុន្នីនាថ រៀបការកាលពីថ្ងៃទី ០១ ខែមីនា ឆ្នាំ ២០២៥ កន្លងទៅ។
ក្នុងនោះដែរ ក្រោយក្លាយជាប្តីប្រពន្ធហើយនោះ លោក ខាយ និង អ្នកនាង មុន្នីនាថ ក៏កាន់តែទទួលបានសុភមង្គល ខណៈស្វាមីភរិយាមួយគូនេះ តែងតែបង្ហាញពីការរស់នៅយ៉ាងរីករាយ ជាពិសេសនោះ គឺការរស់នៅយ៉ាងចុះសម្រុងជាមួយនឹងគ្រួសារទាំងសងខាងទៀតផង។
យ៉ាងណាមិញ ថ្មីៗនេះ ឪពុកក្មេករបស់ លោក ខាយ ដែលត្រូវជាឪពុករបស់អ្នកនាង មុន្នីនាថ បានបង្ហោះសំណេររៀបរាប់ពីការរាប់អានជាមួយនឹងកូនប្រសាដំបូងៗបែបលេងសើចថា៖ «ខ្សឹបៗកុំឱ្យកូនប្រសាឮ! ស្គាល់ដំបូងជាប្អូន បន្ទាប់មកក៏ក្លាយជាកូនប្រសា ដល់ឥឡូវប្រហែលៗគ្នាម៉េចទេ។ ចង់និយាយពីសម្រស់ទេណា៎ គឺថាម្យ៉ាងម្នាក់ទេ ហាសហាស។ កូនបង្កើត ឬកូនប្រសា សុទ្ធតែជាកូនដែលត្រូវស្រឡាញ់ យកចិត្តទុកដាក់ និង គិតគូដូចៗគ្នា…»។
ក្រោយឃើញសំណេរបែបនោះហើយ អ្នកគាំទ្របានសរសើរដល់លោក ខាយ ថាពិតជាមានសំណាង ព្រោះតែមិនត្រឹមតែទទួលបានភរិយាដ៏ល្អនោះទេ ពោលគឺក្រុមគ្រួសារខាងប្រពន្ធ ជាពិសេសមានឪពុកម្តាយក្មេក ដែលស្រឡាញ់លោកដូចជាកូនបង្កើតទៀតផង៕
