ជាមនុស្សស្រី នៅពេលឃើញប្រុសស្អាតសង្ហាដើរកាត់មុខ ប្រាកដអត់ថាមិនមើល? ជាធម្មតា ទោះប្រុសមិនត្រូវស្តង់ដាចង់បាន ហោចណាស់ក៏មើលគ្រាន់លាងភ្នែកផងដែរ។ យោងតាមការសិក្សាស្រាវជ្រាវមួយ ដែលគេឱ្យឈ្មោះថា Evolutionary Psychology ឬ ការវិវត្តន៍ចិត្តវិទ្យា គេបានរកឃើញថា ការមើលមុខប្រុសស្អាត វាអាចជួយដល់ការចងចាំបានល្អ និង អាចលើកទឹកចិត្តខ្លួនឯងពីខាងក្នុង។ វាធ្វើឱ្យខួរក្បាលស្រស់ស្រាយ អារម្មណ៍មានថាមពល និង រីករាយ ល្អសម្រាប់ការសិក្សា និង ការងារ។
ការសិក្សាស្រាវជ្រាវនេះក៏បានធ្វើទៅលើស្ត្រីវ័យកណ្តាលផងដែរ។ នៅពេលស្ត្រីមានអាយុកាន់តែច្រើន ការចងចាំរបស់ពួកគេនឹងថយចុះ។ ហេតុដូច្នេះ អ្នកស្រាវជ្រាវបានសាកល្បងធ្វើតេស្តការចងចាំពួកគេ ដោយឱ្យរូបថតប្រុសស្អាតមួយចំនួន និង ប្រាប់ពីឈ្មោះម្នាក់ៗ ហើយឱ្យចងចាំក្នុងរយៈពេលមួយនាទី។ ជាលទ្ធផល វិធីសាស្ត្រនេះពិតជាមានប្រសិទ្ធភាព ដោយជាមធ្យមស្ត្រីទាំងនោះ អាចចងចាំឈ្មោះប្រុសស្អាតក្នុងរូបថតចាប់ពី ២ ទៅ ៤ នាក់។
ការពិសោធន៍នេះ អ្នកស្រាវជ្រាវបានបញ្ជាក់ថា នៅពេលស្ត្រីមើលរូបប្រុសស្អាត រលកខួរក្បាលរបស់ពួកគេចាប់ផ្តើមសកម្មជាងធម្មតា ពោលការចងចាំល្អជាងមុន ហើយថែមទាំងជំរុញអារម្មណ៍បង្កើតភាពវិជ្ជមានចំពោះខួរក្បាល៕
