ក្រោយកម្មវិធី Miss Supranational Cambodia 2025 បានប្រកួតចប់ និង បានរកឃើញម្ចាស់មកុដហើយនោះ មហាជនអ្នកលេងបណ្តាញសង្គហ្វេសប៊ុក ច្បាស់ជាបានឃើញមកហើយនូវការបញ្ចេញមតិប្រតិកម្មមិនទទួលយកលទ្ធផលក្នុងការប្រកួត ពីសំណាក់ អេនណា រ៉ូស ដែលជាបេក្ខភាពមួយរូបនៃកម្មវិធីខាងលើនេះ។
ពិតណាស់ អេនណា រ៉ូស បានធ្វើឱ្យមហាជនអ្នកលេងបណ្ដាញសង្គមបន្តវែកញែកខ្លាំង ដោយមានទាំងបវរកញ្ញារៀមច្បង និង សិល្បករមួយចំនួន ក៏បាននាំគ្នាបញ្ចេញមតិទៅលើការប្រតិកម្មហាក់ខុសទំនងរបស់នាងជាបន្តបន្ទាប់ផងដែរ ដែលមានដូចជាការបង្ហោះសារ និង វីដេអូ ជាដើម។
ទោះបីមានការប្រតិកម្មនឹងការលើកឡើងរបស់ អេនណា រ៉ូស ជុំវិញការប្រកួតក្ដី ប៉ុន្តែ អេណា រ៉ូស នៅតែមិនបង្អង់បង្ហោះសារជាបន្តបន្ទាប់វាយប្រហារលើកម្មវិធី និង បេក្ខភាពមួយចំនួនទៀតថាល្បីមិនស្មើនាង។ ក្នុងនោះមានសារមួយដែល អេនណា រ៉ូស បានបង្ហោះ ដោយនាងបានលើកឡើងថា កម្មវិធីទទួលបាន Views និង ល្បី ក៏ព្រោះការចូលរួមប្រកួតរបស់នាង «បើដឹងកម្មវិធីដូចអាចម៍ ធ្វើស៊ី ខ្ពើមខ្សែសាហាវ ស្បថកម្មវិធីល្បីដោយសារ Rose យក view ចុងក្រោយថោក ថោកគ្មានលេខដាក់ សាងអីបានហ្នឹងតិចទៀតដឹងហើយ»។
ឆ្លើយតបនឹងការបង្ហោះសាររបស់ អេនណា រ៉ូស នោះដែរ ស្រាប់តែគេឃើញមានអ្នកលេងបណ្តាញសង្គមហ្វេសប៊ុកជាច្រើន បានចូលទៅបញ្ចេញមតិស្រដៀងៗគ្នាក្នុងន័យរិះគន់ អេណា រ៉ូស សឹងទក់សាច់ ក្នុងនោះមានដូចជា ៖ «ដើរអត់កើតផងចង់ចូល Top? មានអ្នកដើរល្អជាងនេះ គេមិនបានចូលផង ទម្រាំតែដើរដូចគល់ឈើទៀត! ពេលខ្លះ គួរតែទទួលស្គាល់ពីសមត្ថភាពខ្លួនហើយ ខំអភិវឌ្ឍន៍វាឲ្យល្អទៅ។ មួយទៀត គ្រាន់តែចប់កម្មវិធីមិនទាន់ផងមក post drama បញ្ចេញសម្តីលាមកបាត់ហើយ ប៉ុណ្ណេះបង្ហាញពីភាព unprofessional បាត់ហើយ គ្មានភាពជា queen អីបន្តិច» និង ខ្លះទៀតថា ៖ «យើងគ្មានសមត្ថភាពផង ដើររឹងដូចគល់ឈើចឹង ចង់ឈ្នះម្កុដម៉េច?».។-ល-៕
