ថ្មីៗនេះ មានករណីដ៏គួរឱ្យហួសចិត្តមួយនៅប្រទេសថៃ ដែលអ្នកបើកតាក់ស៊ីម្នាក់ ប៉ះចំភ្ញៀវធ្លាយលាមកលើឡាន ហើយមិនទទួលខុសត្រូវ បែររករត់គេចខ្លួន មិនជួយចេញថ្លៃបោកពូក។
ករណីមួយនេះបានកើតឡើងនៅ Pattaya ខេត្ត Chunburi ដោយអ្នកបើកតាក់ស៊ីបានរៀបរាប់ឱ្យដឹងថា នៅថ្ងៃកើតហេតុខ្លួនបានដឹកភ្ញៀវជាជនជាតិអ៊ីស្រាអែល ២ រូប។ ខណៈកំពុងតែបត់ឡានចេញទៅហើយ ស្រាប់តែមានភ្ញៀវម្នាក់ដែលជាបុរសវ័យ ៦០ ឆ្នាំ បានកើតការឈឺពោះ ទ្រាំមិនបាន ហើយក៏បន្ទោរបង់ដាក់ពេញនៅក្នុងឡានតែម្តង។
ខាងតាក់ស៊ីបានឱ្យដឹងថាខ្លួនសុំលុយចំនួន ១៥០០ បាត ដើម្បីទៅបោកពូកឡានចេញ តែខាងភ្ញៀវរូបនេះចេះតែដើរចេញ ហើយឡូឡាមិនចង់ឱ្យថ្លៃសំណងឡើយ។ លុះពិបាកនិយាយគ្នាពេក អ្នកបើកតាក់ស៊ីក៏បានហៅអាជ្ញាធរមកជួយដោះស្រាយ ដែលចុងក្រោយខាងភ្ញៀវក៏បានសម្រេចចិត្តសងលុយចំនួន ១៥០០ បាតទៅតាមការស្នើសុំ៕
ប្រភព៖ AMARINTV
