នៅថ្ងៃទី ១៧ ខែមីនា ឆ្នាំ ២០២៥ តាមរយៈឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម បានឱ្យដឹងថាផែនការងារអត្តសញ្ញាណកម្ម បានចេញសេចក្តីជូនដំណឹងដល់ឪពុកម្តាយ ឬ អាណាព្យាបាល ដែលមានកូនចៅគ្រប់អាយុ ១៥ ឆ្នាំឡើង និង មានអាសយដ្ឋាននៅរាជធានីភ្នំពេញ អាចអញ្ជើញទៅបំពេញបែបបទ ថតធ្វើអត្តសញ្ញាណប័ណ្ណសញ្ជាតិខ្មែរ ដោយភ្ជាប់សេចក្តីចម្លងសំបុត្រកំណើត និង សៀវភៅស្នាក់នៅ ឬ សៀវភៅគ្រួសារ (ច្បាប់ដើម ឬច្បាប់ចម្លងមានបញ្ជាក់)។
ចំពោះទីតាំងដែលត្រូវធ្វើរួមមាន ៖
១. ស្នងការដ្ឋាននគរបាលរាជធានីភ្នំពេញ
២. អធិការដ្ឋាននគរបាលខណ្ឌ
៣. ប៉ុស្តិ៍នគរបាលរដ្ឋបាលសង្កាត់
ក្នុងករណីបងប្អូនមានចម្ងល់ អាចទាក់ទងសួរនាយការិយាល័យអត្តសញ្ញាណប័ណ្ណសញ្ជាតិខ្មែរ 012698 777 ឬ នាយរងការិយាល័យអត្តសញ្ញាណប័ណ្ណសញ្ជាតិខ្មែរ 012841 019 ឬទាក់ទងទៅក្រុមប្រចាំការសេវាកម្មអត្តសញ្ញាណកម្ម និង ប្រតិកម្មរហ័ស របស់អគ្គនាយកដ្ឋានអត្តសញ្ញាណកម្ម តាមរយៈលេខ 1271 រៀងរាល់ម៉ោងធ្វើការ ពីថ្ងៃច័ន្ទ ដល់សុក្រ៕
