នៅវេលាម៉ោង ៧:៣០ នាទី ព្រឹកថ្ងៃទី ៣១ ខែកក្កដា ឆ្នាំ ២០២៥ ក្រសួងការពារជាតិ បានធ្វើសេចក្តីសង្ខេបព័ត៌មានស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅទីស្តីការគណៈរដ្ឋមន្ត្រី។
តាមរយៈសេចក្ដីសង្ខេបព័ត៌មាន លោកជំទាវ ម៉ាលី សុជាតា អ្នកនាំពាក្យក្រសួងការពារជាតិ បានបញ្ជាក់នៅព្រឹកនេះឱ្យបានដឹងថា ពាក់ព័ន្ធនឹងករណីដែលបានកើតឡើងកាលពីថ្ងៃទី ២៩ ខែកក្កដា ឆ្នាំ ២០២៥ វេលាម៉ោង ៧ និង ៥០ នាទីព្រឹក កងកម្លាំងកម្ពុជាចំនួន ២១ រូប ដែលស្ថិតក្រោមការគ្រប់គ្រងរបស់ភាគីថៃ មកទល់ពេលនេះ យើងបានទទួលសពចំនួន ១ រូប និង ២0 រូបផ្សេងទៀត ត្រូវបញ្ជូនត្រឡប់មកវិញ។
អ្នកនាំពាក្យបានបន្តឱ្យដឹងថា យើងនឹងបន្តចរចាឱ្យអស់លទ្ធភាពដើម្បីយកបងប្អូនទាំងអស់ត្រឡប់មកវិញឱ្យបានឆាប់បំផុតដោយសុវត្ថិភាព។ ក្នុងន័យនេះយើងសូមអំពាវនាវដល់ភាគីថៃ ដើម្បីធ្វើយ៉ាងណា បញ្ជូនកម្លាំងរបស់យើងទាំង ២០ រូប ត្រឡប់មកវិញឱ្យបានឆាប់ រួមទាំងកម្លាំងផ្សេងទៀតបើសិនមាន ក្នុងការគ្រប់គ្រងរបស់ថៃ៕
