នៅព្រឹកថ្ងៃទី ២៦ ខែកក្កដា ឆ្នាំ ២០២៥ នេះ កម្ពុជាបានធ្វើសន្និសីទសារព័ត៌មាន ស្តីពីបច្ចុប្បន្នភាពនៃការឈ្លានពានរបស់កងទ័ពថៃមកលើទឹកដីកម្ពុជា ពីវិមានសន្តិភាព។
តាមេយៈសន្និសីទសារព័ត៌មាន អ្នកនាំពាក្យក្រសួងការពារជាតិ លោកស្រីឧត្តមសេនីយ៍ឯក ម៉ាលី សុជាតា បានឲ្យដឹងនៅព្រឹកថ្ងៃទី ២៦ ខែកក្កដា ឆ្នាំ ២០២៥ នេះថា ការប្រយុទ្ធគ្នាពីរថ្ងៃកន្លងមកនេះ នៅពេលថៃបាញ់ប្រហារឈ្លានពានដែនអធិបតេយ្យកម្ពុជា គឺបានបណ្ដាលឱ្យទាហានកម្ពុជា ចំនួន ៥ នាក់ បានពលីជីវិត និង រងរបួសចំនួន ២១ នាក់។
ក្រៅពីទាហានកម្ពុជាហើយនោះ ថៃដែលបាន និង កំពុងប្រព្រឹត្តឧក្រិដ្ឋកម្មសង្គ្រាម ប្រឆាំងមនុស្សជាតិ បានបាញ់ប្រហារអាវុធធុនធ្ងន់ចូលមូលដ្ឋានជនស៉ីវិលស្លូតត្រង់របស់កម្ពុជា ហើយបណ្ដាលឱ្យជនស៊ីវិលកម្ពុជាចំនួន ៨ នាក់ បានស្លាប់ និង រងរបួសចំនួន ៥០ នាក់ នៅក្នុងខេត្តឧត្តរមានជ័យ៕
