នាពេលថ្មីៗនេះ ក្រសួងសាធារណការ និង ដឹកជញ្ជូន បានចែករំលែកអំពីចំណេះដឹងក្នុងករបើកបរ នៅលើផ្លូវល្បឿនលឿន ពិសេសសំដៅដល់បម្រាមមួយចំនួនដែលពុំគួរធ្វើ ដើម្បីធានាបាននូវសុវត្ថិភាពក្នុងការបើកបរ។
ជាក់ស្ដែង ក្រសួងសាធារណការ និង ដឹកជញ្ជូន បានបញ្ជាក់អំពីបម្រាមមួយចំនួនក្នុងការធ្វើដំណើរនៅលើផ្លូវល្បឿនលឿន ដែលមានដូចជា ៖
១. ហាមបោះសំរាមចោលតាមផ្លូវ
២. ហាមបើកបរត្រឡប់ក្រោយ
៣. ហាមបើកបរបញ្រ្ចាសទិស ឬ ថយក្រោយ
៤. ហាមបើកបរលើសល្បឿនកំណត់
៥. ហាមដឹកអ្នកដំណើរនៅក្រោយរថយន្តភីកអាប់
៦. ហាមម៉ូតូរ៉ឺម៉កដែលមានកម្លាំងក្រោម 500cc ធ្វើដំណើរឡើងផ្លូវល្បឿនលឿន
ក្នុងនោះផងដែរ ក្រសួងសាធារណការ និង ដឹកជញ្ជូន ក៏បានអំពាវនាវដល់បងប្អូនប្រជាពលរដ្ឋគ្រប់រូប មេត្តាអនុវត្តតាមលក្ខខណ្ឌក្នុងការប្រើប្រាស់ផ្លូវល្បឿនលឿន ព្រមទាំងចូលរួមគោរពច្បាប់ស្តីពីចរាចរណ៍ផ្លូវគោក ឱ្យបានខ្ជាប់ខ្ជួន កុំបើកបរលើសល្បឿនកំណត់ និង កុំបើកបរបញ្ច្រាសទិសចរាចរណ៍៕
ប្រភព ៖ ក្រសួងសាធារណការ និង ដឹកជញ្ជូន
