នាពេលថ្មីៗនេះ តាមរយៈគណនីរបស់អ្នកគ្រូណាលី ដែលជាគ្រូហុងស៊ុយបែបវិទ្យាសាស្ត្រដ៏មានប្រជាប្រិយភាព បានចែករំលែកចំណេះដឹងពីភាពខុសគ្នាដាច់រវាងយុគ ៨ កន្លងផុតទៅ និង យុគ ៩ នាបច្ចុប្បន្ននេះ។
អ្នកគ្រូណាលី បានបញ្ជាក់ឱ្យដឹងថា ៖ «យុគ ៩ មិនដូចកាលយុគ ៨ និស្ស័យមនុស្សសម័យយុគ ៩ ស្រលាញ់កិត្តិយសកេរ្តិ៍ឈ្មោះ បើសិនជាអ្នកធ្វើការមិនរក្សាកេរ្តិ៍ឈ្មោះឱ្យល្អទេ ជីវិតការងារនឹងបរាជ័យ ព្រោះយុគ ៩ ជាយុគភ្លើង នឹងដុតបំផ្លាញមនុស្សអាក្រក់ បើរកស៊ីកុហកបោកប្រាស់ បំផ្លាញកិត្តិយសអ្នកដទៃ ដឹងតែរលាយឆាប់។ បើមន្ត្រីមិនល្អ ក៏ពិបាកនឹងលាក់បាំងភាពអាក្រក់របស់ខ្លួនបានដូចយុគ ៨ ដែរ ហើយមនុស្សជាច្រើនដែលលោភលន់ជ្រុល អាចនឹងបាត់បង់ឱកាសល្អធំៗ បរាជ័យដោយសារភាពលោភលន់របស់ខ្លួន»។
ក្នុងនោះ អ្នកគ្រូហុងស៊ុយបែបវិទ្យាសាស្ត្ររូបនេះ បានបន្តថា ៖ «បើកាលពីយុគ ៨ កន្លងផុតទៅ ជាយុគដែលមនុស្សជាច្រើនស្រលាញ់លុយជាធំ មិនខ្វល់ពីកិត្តិយសកេរ្តិ៍ឈ្មោះមុនទេ គឺមានលុយគឺមានអំណាច មានកេរ្តិ៍ឈ្មោះ មនុស្សយកលុយបិតបាំងភាពអាក្រក់របស់ខ្លួនបាន រកស៊ីបោកប្រាស់គេក៏រួចខ្លួន តែចូលយុគ ៩ បើនៅតែរក្សាចិត្តគំនិតដូចយុគ ៨ នឹងបរាជ័យនឹកស្មានមិនដល់»៕
