អ្នកគ្រូណាលីបង្ហើបត្រួសៗ បើចង់ឱ្យខ្មែរយើងខ្លាំង សេដ្ឋកិច្ចខ្លាំង ប្រជាជនមានជីវភាពល្អប្រសើរ យើងគួរចាប់ផ្ដើមធ្វើរឿង ៤ យ៉ាងនេះ

នៅថ្ងៃទី ២៤ ខែសីហា ឆ្នាំ ២០២៥ កន្លងទៅ អ្នកគ្រូហុងស៊ុយ ណាលី ដែលជាគ្រូហុងស៊ុយបែបវិទ្យាសាស្ត្រដ៏ពេញនិយម បានចែករំលែកចំណេះដឹងឱ្យបានដឹងថា បើចង់ឱ្យខ្មែរយើងខ្លាំង សេដ្ឋកិច្ចយើងខ្លាំង ប្រជាជនមានជីវភាពល្អប្រសើរគ្រប់ៗគ្នា គឺមិនពិបាកទេ បើសិនជាធ្វើតាមអ្វីដែលអ្នកគ្រូប្រាប់ តែ ២ ឆ្នាំ នោះខ្មែរនឹងសល់លុយរាប់ពាន់លានដុល្លារ ដែលជាចរន្តលុយដល់ដៃប្រជាជនគ្រប់ស្រទាប់វណ្ណៈ។

ក្នុងនោះ អ្នកគ្រូបានលើកឡើងនូវចំណុចចំនួន ៤ ដែលមានដូចជា ៖

– ខ្មែររួមគ្នាប្រើផលិតផលក្នុងស្រុក ដើម្បីកុំឱ្យលំហូរលុយចេញក្រៅប្រទេស

– ពង្រឹងការផលិតផលិតផលក្នុងស្រុកឱ្យមានគុណភាពខ្ពស់ ដើម្បីលក់ក្នុងស្រុកផង នាំចេញផង

– ពង្រឹងវិស័យកសិកម្ម ដាំដុះ បន្លែ ផ្លែឈើ បែបធម្មជាតិ ឱ្យបានច្រើន ព្រោះបន្លែធម្មជាតិ អាចលក់ក្នុងស្រុក ជួយឱ្យប្រជាជនញ៉ាំហើយមានសុខភាពល្អ ហើយអាចនាំចេញទៅក្រៅប្រទេសបានផងដែរ

– ពង្រឹងវិស័យទេសចរណ៍ស្រុកខ្មែរ ទាញទេសចរណ៍បរទេសចូល ដើម្បីបរទេសយកលុយមកចាយនៅខ្មែរ ជាលុយដែលដល់ដៃប្រជាជន លក់ម្ហូបអាហារ សណ្ឋាគារ Resort….។

អ្នកគ្រូបានបន្តទៀតថា ៖ «ខ្មែរត្រូវចាំថា ទាល់តែយើងធ្វើខ្លួនឱ្យខ្លាំង ទើបសត្រូវមិនហ៊ានមើលងាយយើង គ្រប់យ៉ាងផ្តើមចេញពីពួកយើងទាំងអស់គ្នា ហើយបើចង់ឱ្យយើងខ្លាំងដូច Singapore យើងក៏អាចធ្វើបានដែរ ឱ្យតែយើងទាំងអស់គ្នាតាំងចិត្តធ្វើ ហើយខ្ញុំនឹងប្រាប់ថាត្រូវធ្វើអ្វីខ្លះ?»៕