ជាការពិតណាស់ អ្នកគាំទ្រតារាចម្រៀងរ៉េប វណ្ណដា ច្បាស់ជាបានជ្រាបហើយ ពីដំណឹងនៃការបញ្ចេញ Album ចម្រៀងទី ៣ របស់លោក ដែលមានឈ្មោះថា «TREYVISAI» ឬ «ត្រីវិស័យ» នឹងចាប់ផ្តើមចេញនៅក្នុងខែមីនា ឆ្នាំ ២០២៥ នេះ។
ក្នុងនោះ Album «TREYVISAI» របស់កំពូលតារាចម្រៀងរ៉េប វណ្ណដា នឹងចែកចេញជា ៣ ផ្នែកសំខាន់ៗ ដោយផ្នែកទី ១ «TREYVISAI I: The Search For Light» នឹងបង្ហាញនៅថ្ងៃទី ថ្ងៃទី ១៤ ខែមីនា ឆ្នាំ ២០២៥។ «TREYVISAI II» នឹងបង្ហាញនៅថ្ងៃទី ២១ ខែមីនា ឆ្នាំ ២០២៥ និង «TREYVISAI III» នឹងបង្ហាញនៅថ្ងៃទី ១ ខែឧសភា ឆ្នាំ ២០២៥។
ជាក់ស្តែងក្នុងបទចម្រៀងជាច្រើនបទនៃ Album «TREYVISAI» ទាំង ៣ ផ្នែក របស់ វណ្ណដា ក៏មានតារាចម្រៀងរ៉េបប្រចាំប្រទេសកម្ពុជា និង ក្រៅប្រទេសមួយចំនួនទៀតសហការណ៍ច្រៀងជាមួយនឹងលោកដែរ ដោយក្នុងនោះ ក៏រួមមានកំពូលតារាចម្រៀងរ៉េបប្រចាំប្រទេសថៃ លោក Youngohm ទៀតផង។
ដោយឡែក កាលពីថ្ងៃទី ០៥ ខែមីនា ឆ្នាំ ២០២៥ កន្លងទៅនេះ លោក វណ្ណដា បានបង្ហោះរូបចំនួន ៣ សន្លឹក ជាមួយនឹងតារាចម្រៀងរ៉េបថៃ Youngohm បានធ្វើឱ្យអ្នកគាំទ្រកាន់តែអន្ទះសារ និង ចង់ស្តាប់នូវបទចម្រៀងរួមគ្នាដំបូងគេរបស់កំពូលតារាចម្រៀងរ៉េបទាំង ២ ប្រទេសនេះ៕
ឮ
