ក្នុងឱកាសបុណ្យចូលឆ្នាំថ្មីប្រពៃណីខ្មែរខាងមុខនេះ កំពូលតារាចម្រៀងស្រី ឱក សុគន្ធកញ្ញា ក៏បានបញ្ចេញ MV បទចម្រៀងថ្មីដ៏មានអត្ថន័យសម្រាប់ត្រៀមអបអរស្វាគមន៍នៃពិធីបុណ្យប្រពៃណីនេះផងដែរ ដោយចម្រៀងនោះមានចំណងជើងថា «សង្ក្រាន្តមកដល់ហើយ»។
ស្នាដៃ MV បទចម្រៀងថ្មីនេះដែរ កំពុងធ្វើឱ្យមហាជនអ្នកគាំទ្រចាប់អារម្មណ៍ចែករំលែក និង សរសើរទាំងអត្ថន័យចម្រៀង ប្លង់ថត និង ក្បាច់រាំប្រពៃណី ស័ក្តិសមនឹងឱកាសពិធីបុណ្យឆ្នាំថ្មីឱ្យមហាជនរាំលេងកម្សាន្តជួបជុំគ្រួសារ មិនភក្ដិបងប្អូន។
ជាមួយគ្នានេះ អ្វីកាន់តែធ្វើឱ្យអ្នកគាំទ្រសរសើរពីកំពូលតារាចម្រៀងស្រី ឱក សុគន្ធកញ្ញា ក្នុង MV ចម្រៀងនេះដែរ គឺការតុបតែងខ្លួនរបស់អ្នកនាងក្នុងឈុតសម្លៀកបំពាក់ប្រពៃណីខ្មែរប៉ុន្មានឈុត សុទ្ធតែប្រណីតស្រស់ស្អាត រំលេចសម្រស់របស់អ្នកនាងកាន់តែទន់ភ្លន់គួរឱ្យស្រឡាញ់ខ្លាំង៕