អ្នកគាំទ្រលួចញញឹម! ជំទាវអ្នកឧកញ៉ា ម៉ៅ ចំណាន, គង់ សុជាតិ និង យុគ ចិន្តា មិត្តចាស់ក្នុងអាជីពថតរូបជុំគ្នា ម្នាក់ៗស្រស់ស្អាតណាស់

ថ្មីៗនេះ អ្នកលេងបណ្តាញសង្គមហ្វេសប៊ុកកំពុងចាប់អារម្មណ៍នឹងរូបថតមួយសន្លឹក របស់ពិធីការិនីល្បីឈ្មោះ ៣ រូប កាលពីប្រមាណជាង ២០ ឆ្នាំមុន ដែលបានបានថតរូបជុំគ្នាក្នុងពិធីរាត្រីសមោសរសំពត់បត់ខ្មែរ លើកទី ២ នៅឯសាលមហោស្រពចតុមុខ។

ក្នុងនោះ ពិធីការិនីរួមជំនាន់ដែលល្បីឈ្មោះទាំង ៣ រូប កាលពីអំឡុងឆ្នាំ ១៩៩០ ក្រាស់ ដែលកំពុងត្រូវបានមហាជនចាប់អារម្មណ៍នោះរួមមាន លោកជំទាវអ្នកឧកញ៉ា ម៉ៅ ចំណាន, អ្នកនាង គង់ សុជាតិ និង អ្នកនាង យុគ ចិន្តា។

គេចាំបានថា លោកជំទាវអ្នកឧកញ៉ា ម៉ៅ ចំណាន, អ្នកនាង គង់ សុជាតិ និង អ្នកនាង យុគ ចិន្តា សុទ្ធសឹងតែជាពិធីការិនីមានប្រជាប្រិយភាព ប្រចាំស្ថានីយទូរទស្សន៍ប៉ុស្តិ៍លេខ ៥ និង ប៉ុស្តិ៍លេខ ៣។ លើសពីនោះ អតីតពិធីការិនី និង ពិធីការិនី ៣ រូបខាងលើ ត្រូវបានមហាជនដាក់ងារជាពិធីការិនីមានរូបសម្រស់ស្រស់សោភា និង មានវោហារសាស័ព្ទពីរោះ ពោរពេញដោយសុជីវធម៌ទៀតផង។

យ៉ាងណាមិញ មកដល់បច្ចុប្បន្ន លោកជំទាវអ្នកឧកញ៉ា ម៉ៅ ចំណាន បានបញ្ចប់អាជីពជាពិធីការិនីទាំងស្រុង ដោយបច្ចុប្បន្នលោកជំទាវអ្នកឧកញ៉ា គឺជាស្ត្រីលើវិស័យមុខជំនួយ និង ជាប្រធានសមាគមសិល្បករខ្មែរ ខណៈមិត្តរួមជំនាន់ ២ រូបទៀត គឺអ្នកនាង គង់ សុជាតិ និង អ្នកនាង យុគ ចិន្តា បន្តអាជីពលើវិថីចាស់យ៉ាងជោគជ័យដូចគ្នា៕