ថ្មីៗនេះ លើបណ្ដាញសង្គមមហាជនអ្នកគាំទ្រកម្ពុជា កំពុងផ្ទុះការចាប់អារម្មណ៍ចែករំលែក និង រំភើបចិត្ត ក្រោយពីបានឃើញវត្តមានរបស់កំពូលតារាសម្ដែងប្រុសឥណ្ឌា និង ជាតារាសម្ដែងបូលីវូដរូបសង្ហាដ៏ល្បីល្បាញលោក GAGAN Malik បានមកដល់ទឹកទីប្រទេសកម្ពុជា។
តាមរយៈវីដេអូនៃសកម្មភាព ក៏ដូចជារូបភាពបង្ហោះលើហ្វេសប៊ុកផេកក្រសួងទេសចរណ៍ បានឱ្យដឹងថា តារាសម្ដែងបូលីវូដដ៏ល្បីរូបនេះ មកកាន់ប្រទេសកម្ពុជា និង ដើរធ្វើទស្សនកិច្ចនៅតំបន់អង្គរទឹកដីខេត្តសៀមរាប ដែលបានស្វែងយល់ពីសម្បូរសម្បត្តិវប្បធម៌ខ្មែរ និង តំបន់ទេសចរណ៍ផ្សេងៗរបស់ខ្មែរ។
ចំពោះដំណើរមកកាន់ទឹកដីកម្ពុជារបស់លោក GAGAN Malik ដែលមហាជនខ្មែរភាគច្រើនស្គាល់តាមរយៈការសម្ដែងជាតួអង្គព្រះពុទ្ធ និង ព្រះរាមរូបនេះ ពិតជាធ្វើឱ្យអ្នកគាំទ្រជាច្រើនរំភើបចិត្ត និង ចែករំលែករូបភាពដ៏ស្រស់សង្ហារបស់តារាសម្ដែងបូលីវូដរូបនេះ លើទឹកដីអង្គរភ្ជាប់ជាមួយសារទទួលស្វាគមន៍យ៉ាងកក់ក្ដៅផងដែរ៕
រូបភាព៖ ក្រសួងទេសចរណ៍
