ក្រៅពីមានសំនៀងពីរោះត្រូវចិត្តយុវវ័យ តារាចម្រៀង SK ប្រចាំផលិតកម្ម GenMusix ក៏មានសម្រស់ស្រស់ស្អាតខ្លាំង ទាំងស្បែក ទាំងមុខ ទាំងរាងរៅ មើលមកឥតខ្ចោះ រហូតដល់ពេលនាងបង្ហោះរូបម្តងៗ គេតែងច្រឡំថា នាងជារូបនិម្មិត ឬ បង្កើតឡើងដោយ AI។
មែនទែនទៅ នៅពីក្រោយសម្រស់ស្បែកដ៏ស្រទន់ និង រាងដ៏ស្រឡូន ការពិត នាងមានអាថ៌កំបាំងថែរក្សាដ៏សាមញ្ញបំផុត។ តួយ៉ាង តាមរយៈ SK ធ្វើបទសម្ភាសជាមួយទស្សនាវដ្តីអន្តរជាតិ Prestige នាងបានបង្ហើបថា នាងមានទម្លាប់ថែរក្សាស្បែកតិចតួចទៅតាមតម្រូវការ ដោយនាងផ្តោតលើការសម្អាតស្បែកគុណនឹងពីរ និង ប្រើប្រាស់សេរ៉ូម ដែលទុកចិត្ត និង ត្រូវទៅនឹងប្រភេទស្បែក។ មួយវិញទៀត អ្វីដែលនាងចោលមិនបាននៅក្នុងការថែរក្សាស្បែក គឺ ការស្ក្រាប់ស្បែកដងខ្លួន ជាមួយស្ក្រាប់រូបមន្តធម្មជាតិ ធ្វើពីរមៀត ដែលវាជួយរក្សាស្បែកឱ្យទន់រលោង និង ភ្លឺថ្លា។
ក្រៅពីអាថ៌កំបាំងថែស្បែកបែបងាយៗ ការធ្វើលំហាត់ប្រាណ ក៏ដើរតួយ៉ាងសំខាន់នៅក្នុងជីវិតរបស់នាងផងដែរ។ មិនថាលំហាត់ប្រាណរត់នៅពេលព្រឹក ហាត់យូហ្គានៅផ្ទះ ឬ គម្រោងហ្វឹកហាត់ជាមួយអ្នកជំនាញ SK នាងតែងចាត់ទុកវាជាការធ្វើលំហាត់ប្រាណមានសារសំខាន់ចំពោះសុខភាពផ្លូវកាយ និង ផ្លូវចិត្ត។ នាងនិយាយយ៉ាងខ្លីថា វាពិតជាសំខាន់ គ្រាន់តែធ្វើវា ធ្វើបែបងាយៗ និង ស្តាប់រាងកាយរបស់អ្នក៕
