នៅថ្ងៃទី ១០ ខែវិច្ឆិកា ឆ្នាំ ២០២៤ នេះ កម្មវិធី Run With Sai ដែលជាការបង្កើតឡើងដោយតារាចម្រៀង Original Song លោក សាយ នឹងរៀបចំការរត់ដើម្បីអបអរបុណ្យឯករាជ្យលើកទី ៧១ «៩ វិច្ឆិកា ១៩៥៣- ៩ វិច្ឆិកា ២០២៤»។
ក្នុងនោះ កម្មវិធីរត់អបអរបុណ្យឯករាជ្រលើកទី ៧១ នេះ នឹងរៀបចំឡើងនៅឯទឹកដីខេត្តកោះកុង ដោយមានឈ្មោះថា «Koh Kong Independence Day Marathon» ឬ «ព្រឹត្តិការណ៍កោះកុងសាគរ រត់ អបអរសាទរបុណ្យឯករាជ្យជាតិ»។
អ្វីដែលកាន់តែពិសេស មុនថ្ងៃរត់នៃ «Koh Kong Independence Day Marathon» ឬ «ព្រឹត្តិការណ៍កោះកុងសាគរ រត់ អបអរសាទរបុណ្យឯករាជ្យជាតិ» កម្មវិធីក៏បានធ្វើការដាក់បញ្ចាំងរឿង «ឆាយាលើអង្គរ» ជាព្រះរាជនិពន្ធ ព្រះករុណាព្រះបាទ សម្ដេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ ដើម្បីអបអរសាទរខួបអនុស្សាវរីយ៍ខួប ៧១ ឆ្នាំ បុណ្យឯករាជ្យជាតិ រំឭកនូវគុណូបការៈ ដ៏ថ្លៃថ្លា ឧត្តុង្គឧត្តម ក្នុងការដណ្តើមបានមកវិញនូវឯករាជ្យពេញបរិបូរណ៌ពីសំណាក់អាណាព្យាបាលបារំាង ក្រោមស្នាព្រះហស្ថ ព្រះករុណាព្រះបាទ ព្រះករុណាព្រះបាទ សម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ និង ឥស្សរជនខ្មែរជំនាន់មុន។
គួរជម្រាប ការចាក់បញ្ចាំងរឿង «ឆាយាលើអង្គរ» ជាព្រះរាជនិពន្ធ ព្រះករុណាព្រះបាទ សម្ដេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ នឹងចាប់ផ្តើមនៅវេលាម៉ោង ៥ ល្ងាច ថ្ងៃទី ៩ ខែវិច្ឆិកា ឆ្នាំ ២០២៤ ចាប់ពីម៉ោង នៅស្ដូបឯករាជ្យ ក្រុងខេមរភូមិន្ទ ខេត្តកោះកុង។ រីឯមហាជន ក៏អាចទស្សនាតាមរយៈផេកផ្លូវការរបស់កម្មវិធីខាងលើបានផងដែរ៕
