មហាជនតាមដានដំណើរប្រកួតនៃកម្មវិធី Miss Supranational Cambodia 2025 របស់ កញ្ញា អេនណា រ៉ូស ច្បាស់ជាបានជ្រាបមកហើយ ពីការប្រឹងប្រែង និង ឆន្ទៈមោះមុតរបស់នាងក្នុងការចូលរួមប្រកួតនេះ។ ក្នុងនោះ អេនណា រ៉ូស បានហ្វឹកហាត់ខ្លួនឯងយ៉ាងខ្លាំង មិនថាតែការដើរបង្ហាញម៉ូដ និង ទេពកោសល្យនានានោះឡើយ។
យ៉ាងណាមិញ នៅរាត្រីថ្ងៃទី ២ ខែមេសា ឆ្នាំ ២០២៥ កន្លងទៅនេះ ម្ចាស់មកុដកម្មវិធីប្រកួតសម្រស់ Miss Supranational Cambodia 2025 ក៏បានរកឃើញហើយ ដោយកញ្ញា អេនណា រ៉ូស មិនអាចដណ្តើមបានមកុដ និង ឆក់បានតំណែងណាមួយឡើយ។
ក្នុងនោះ ក្រោយពីបញ្ចប់កម្មវិធី និង ចុះពីលើឆាកភ្លាមៗក្រោយការប្រកួតផ្តាច់ព្រ័ត្រ បេក្ខភាពបវរកញ្ញា អេនណា រ៉ូស បានធ្វើការឡាយវីដេអូ និង បង្ហោះសារជាបន្តបន្ទាប់ ដោយបង្ហាញការប្រតិកម្មហាក់មិនពេញចិត្តចំពោះលទ្ធផលរបស់ខ្លួនក្នុងការប្រកួតនេះ។ ក្នុងនោះ អេនណា រ៉ូស បានសង្កត់ធ្ងន់ថា ខ្លួនចំណាយប្រាក់មិនតិចនោះទេ ដើម្បីកាត់រ៉ូបដល់ទៅ ៣ តម្រូវតាមកម្មវិធីទៀតផង។
ក្នុងនោះ កញ្ញា អេនណា រ៉ូស បានបង្ហោះរៀបរាប់លើហ្វេសប៊ុកបន្តបន្ទាប់ថា ៖ «អស់លុយច្រើនណាស់កម្មង់សុទ្ធតែ ២, ៣ រ៉ូប ថោកទាប ខំកាត់រ៉ូបអស់រាប់រយ អ្នកណាមិនក្តៅ»៕
