ចៃដន្យ ឬនិស្ស័យ! តារាប្រុសស្រី ៣ ដួង ដាក់ឈ្មោះឱ្យកូនប្រុសច្បងស្រដៀងគ្នា ពីរោះមួយបែបម្នាក់

ការរៀបការបង្កើតគ្រួសារជារឿងធម្មជាតិ ដល់ពេលវេលាមួយដែលសមល្មមនឹងអាចបង្កើតគ្រួសារ បង្កើតកូនបាន គ្រប់គ្នាតែងជ្រើសរើសផ្លូវជីវិតមួយដែលប្រកបដោយសុភមង្គល ដើម្បីមានគ្នាមើលថែ មានមនុស្សកំដរ ហើយវាក៏ជាច្បាប់ធម្មតាដែរ។

ពីមួយឆ្នាំទៅមួយឆ្នាំ គេសង្កេតឃើញមានសិល្បករជាច្រើនបានលាជីវិតនៅលីវ ហើយបានចាប់ដៃគូស្នេហ៍សាងគ្រួសារយ៉ាងផ្អែមល្ហែម បង្កើតគ្រួសារ បង្កើតកូនរស់នៅក្នុងជីវិតយ៉ាងមានសុភមង្គល។ និយាយដល់រឿងកូនៗ អាចថាជារឿងចៃដន្យ ឬជាការស្រឡាញ់ សិល្បករ ៣ រូបនេះ បានដាក់ឈ្មោះឱ្យកូនសំណព្វចិត្តរបស់ពួកគេថា «បុត្រ» ដូចគ្នា ៖

១. ឱក សុគន្ធកញ្ញា ដាក់ឈ្មោះឱ្យកូនប្រុសច្បងថា អ៊ឹង បញ្ញាបុត្រ ហៅ ឆលី សម្រាលនៅថ្ងៃទី ១១ ខែវិច្ឆិកា ឆ្នាំ ២០១៩

២. ពិធីការិនី ហ៊ិន ច័ន្ទនីរ័ត្ន បានដាក់ឈ្មោះឱ្យកូនប្រុសដំបូងថា ឌី ពេជ្ររ័ត្នបញ្ញាបុត្រ ដែលអូនតូចសម្រាលនៅថ្ងៃទី ៨ ខែកក្កដា ឆ្នាំ ២០២៥ ។

៣. តំណក់ឈាមដំបូងរបស់តារាសម្ដែង ប៉ាន ខែមម៉ានូ មានឈ្មោះថា ប៉ានខែម បញ្ញាបុត្រ ដែលបានសម្រាលនៅថ្ងៃទី ៩ ខែតុលា ឆ្នាំ ២០២៥៕