កាលពីថ្ងៃទី ០៩ ខែតុលា ឆ្នាំ ២០២៥ កន្លងទៅនេះ មានតារាប្រុសស្រីជាច្រើនរូប បានបង្ហោះសារអបអរថ្ងៃកណើតរបស់ខ្លួន ដោយក្នុងនោះ ក៏មានតារាចម្រៀងស្រី វី ឌីណែត ផងដែរ។
ក្នុងថ្ងៃកំណើត កើនអាយុ ១ ឆ្នាំ ទៀតនោះដែរ កញ្ញា វី ឌីណែត បានបង្ហោះសំណេររៀបរាប់ពីបញ្ញា ដែលបានពើបប្រទះរយៈពេលជិត ៣០ ឆ្នាំ មកនេះ មានទាំងភាពជោគជ័យ ទាំងការខកចិត្ត ការបោកប្រាក់ និង មិត្តភាពក្លែងក្លាយជាដើម។ លើសពីនោះ កញ្ញា វី ឌីណែត បានបញ្ជាក់ទៀតថា រយៈពេលជិត ៣០ ឆ្នាំមកនេះ នាងរស់នៅប្រឆាំងនឹងវាសនា តវ៉ានឹងជំងឺប្រចាំកាយទៀតផង។
ក្នុងនោះ កញ្ញា វី ឌីណែត បានរៀបរាប់ថា៖ «០៩-១០-២០២៥ កើនអាយុមួយឆ្នាំទៀតហើយ ជិត ៣០ ឆ្នាំ ហើយ ដែលខ្ញុំបានរស់នៅលើផែនដីមួយនេះ ជួបបញ្ហាក៏ច្រើន ជោគជ័យក៏ច្រើន មានទាំងក្ដីសុខមានទាំងក្ដីទុក្ខ ជួបការខកចិត្ត ជួបការបោកប្រាស់ទំនុកចិត្ត ជួបរឿងហួសចិត្ត ជួបមិត្តភាពក្លែងក្លាយ។ គ្រប់គ្នាអាចនឹងមើលឃើញថារាល់ថ្ងៃ ខ្ញុំជាមនុស្សស្រីម្នាក់ ដែលរឹងមាំក្លាហាន ស្រស់ស្អាត ល្អគ្រប់យ៉ាង ទាំងដែលធាតុពិត ខ្ញុំគ្រាន់តែជាមនុស្សស្រីធម្មតាម្នាក់ រស់នៅប្រឆាំងនឹងវាសនា តវ៉ានឹងជំងឺប្រចាំកាយ។
ខ្ញុំគ្រាន់តែចង់រស់នៅ បែបសាមាញ្ញៗក្នុងគ្រួសារមួយដ៏កក់ក្ដៅ មានដៃគូជីវិត ដែលល្អស្មោះស្ម័គ្រនឹងគ្នា មានមិត្តភក្តិ ដែលស្រលាញ់រាប់អានស្មោះត្រង់នឹងគ្នាតែប៉ុណ្ណោះ។ ឆ្នាំនេះរៀងវែងបន្តិចហើយ! But anyway Happy Birthday to me សូមឱ្យមនុស្សជុំវិញខ្លួនខ្ញុំ និង បណ្ដាអ្នកគាំទ្រនាងខ្ញុំទាំងអស់ជួបតែរឿងល្អៗ ជោគជ័យគ្រប់ភារកិច្ចទាំងអស់ និង មានសុខភាពល្អបរិបូរ។ I LOVE YOU ALL MY BELOVED។ Mom សូមម៉ាក់បានដល់ឋានស្ងប់សុខ I MISS YOU»៕
