គិតមកដល់ពេលនេះ កូនស្រីដំបូងជាទីស្រឡាញ់របស់តារាចម្រៀងស្រី សួស វីសា និង លោក ថមមី ដែលមានឈ្មោះថា ថង សាម៉ូលីណា ហៅ ជេននី មានអាយុ ៥ ខួបហើយ ដែលកាន់តែធំកូនស្រីតូចរបស់តារាចម្រៀងស្រីរូបនេះ មានមុខមាត់កាន់តែស្រស់ស្អាតគួរឱ្យស្រឡាញ់ខ្លាំងឡើង។
ដ្បិតថាកូនស្រីរបស់អ្នកនាង សួស វីហ្សា គឺអូនតូច ជេននី មានអាយុទើបតែជាង ៥ ខួបមែន ប៉ុន្តែកុមារីតូចរូបនេះបានធំធាត់ឡើងប្រកបដោយភាពឆ្លាតវៃជាមួយនឹងរូបរាងដ៏ស្រស់ស្អាតតាំងពីក្មេង ជាពិសេសទទួលបានការមើលថែបង្ហាត់បង្រៀនយ៉ាងយកចិត្តទុកដាក់ពីឪពុកម្ដាយ។
លើសពីនេះ អូនតូច ថង សាម៉ូលីណា ក៏កំពុងឆក់បានការចាប់អារម្មណ៍ និង សរសើរខ្លាំងពីមហាជនចំពោះភាពវៃឆ្លាតក្រមិចក្រមើមរបស់នាង ដែលប៉ាម៉ាក់បង្ហាញលើបណ្ដាញសង្គម ក៏ដូចជាក្នុងវីដេអូខ្លីៗចេះសម្ដែងជាសាច់រឿងជាមួយប៉ាម៉ាក់ទៀតផង។
ដោយឡែក អ្វីកាន់តែចាប់អារម្មណ៍ពីអូនតូច ជេននី ស្របពេលកាន់តែធំ កាន់តែឆ្លាតគួរឱ្យស្រឡាញ់ និង សម្រស់ដ៏កាន់តែស្រស់ស្អាត មកដល់ថ្មីៗនេះ ក៏បានឃើញលោក ថមមី និយាយពីក្ដីស្រមៃរបស់កូនស្រី ដែលនាងចេះគិតគូរពេលធំឡើងបន្តិចមានបំណងចង់ចូលប្រកួតក្នុងវិស័យបវរកញ្ញាយុវវ័យដូចបងៗបវរកញ្ញាវ័យក្មេងដទៃទៀតផង។
ក្នុងនោះ លោក ថមមី បានបង្ហោះរូបភាពរបស់អូន ជេននី ក្នុងឈុតលេងស្ទីលបែបជឿជាក់ភ្ជាប់ជាមួយសាររៀបរាប់ថា ៖ «កូនច្បង ថង សាម៉ូលីណា ផ្តាំឱ្យផុសរូបគាត់ សូមបេះដូង និង ខមិនៗពីពុកម៉ែបងប្អូនផង គេថាធំឡើងចង់ប្រលង Mini Miss icon កុមារ ដូចបងបងដែរគេមើលយប់មិញ»៕
