ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេសអ្នកគាំទ្រតារាស្រី អ្នកនាង កាតុ បានបង្ហាញការព្រួយបារម្ភយ៉ាងខ្លាំង ខណៈឃើញអ្នកនាងគេងនៅលើគ្រែពេទ្យ និង ត្រូវបានស្វាមីក្រុមគ្រួសារកំពុងមើលថែយ៉ាងយកចិត្តទុកដាក់។
ក្នុងនោះ អ្នកគាំទ្រ និង មិត្តភក្តិបានបង្ហាញក្តីបារម្ភ និង សួរសុខទុក្ខដល់អ្នកនាង កាតុ ផងដែរ តាមរយៈស្វាមីរបស់អ្នកនាង គឺលោក ខ្យង តែយ៉ាងណាក៏ដោយ លោកខ្យង បានជម្រាបថា ភរិយាមិនមានជំងឺអ្វីនោះទេ ពោលគឺអ្នកនាង កាតុ កែសម្ផស្សវះកាត់ក្បាលពោះប៉ុណ្ណោះ។ យ៉ាងណាក៏ដោយ អ្នកគាំទ្រ និង មិត្តភក្តិ នៅតែបន្តជូនពរឱ្យអ្នកនាង កាតុ ឆាប់ជាសះស្បើយពីការវះកាត់ផងដែរ។
ដោយឡែក មួយរយៈក្រោយនេះ អ្នកតាមដានអ្នកនាង កាតុ ច្បាស់ជាបានជ្រាបហើយថា បើទោះជាវ័យកាន់តែច្រើនក៏ពិតមែន ប៉ុន្តែតារាស្រីរូបនេះ មិនព្រលែងឱ្យរូបសម្រស់កើនទៅតាមវ័យនោះទេ ដោយអ្នកនាងបានទៅកែសម្ផស្សជារឿយៗ និង មិនដែលលាក់លៀមដល់អ្នកគាំទ្រនោះទេ។ ម្យ៉ាងវិញទៀតនោះ ការកែសម្ផស្សលើកចុងក្រោយនេះ គឺអ្នកនាងវះកាត់ក្បាលពោះ ដើម្បីយករាង Goal ថែមទៀតផង៕
