កូនប្រុសចាំ ១០ ឆ្នាំក៏មិនហួសពេល! លួចស្រឡាញ់ម្តាយមិត្តតាំងពីអាយុជាង ១០ ឆ្នាំ ដល់អាយុ ២៣ ឆ្នាំ តាមញ៉ែធ្វើប្រពន្ធបានសម្រេច

ថ្មីៗនេះ សារព័ត៌មានមួយក្នុងប្រទេសជប៉ុន បានរាយការណ៍ពីរឿងរ៉ាវដ៏គួរឱ្យហួសចិត្តរបស់បុរសម្នាក់ ដែលលួចស្រឡាញ់ម្តាយរបស់មិត្តភក្តិតាំងពីនៅតូច លុះធំឡើងមកតាមញ៉ែធ្វើប្រពន្ធទាល់តែបានសម្រេច ទោះបីអាយុឃ្លាតគ្នាដល់ទៅ ២១ ឆ្នាំ។

តាមព័ត៌មានបានឱ្យដឹងថា បុរសរូបនេះបានចាប់អារម្មណ៍ម្តាយរបស់មិត្តតាំងពីខ្លួននៅអាយុជាង ១០ ឆ្នាំ ដែលកាលនោះម្តាយរបស់មិត្តបានមកប្រជុំអាណាព្យាបាលនៅសាលារៀន​ តាំងពីពេលនោះមកក៏លែងបានជួបគ្នាទៀត។ លុះ ១០ ឆ្នាំក្រោយមក នៅពេលបុរសនេះមានវ័យ ២៣ ឆ្នាំ ចៃដន្យក៏បានជួបម្តាយរបស់មិត្តម្តងទៀតនៅពេលដែលនាងអាយុ ៥៣ ឆ្នាំ ហើយអារម្មណ៍ដែលស្រឡាញ់ក៏នៅមាន ទើបសម្រេចចិត្តសារភាព និង ព្យាយាមញ៉ែម្តាយមិត្តឱ្យបានសម្រេច តែដំបូងឡើយខាងស្រីមិនព្រមស្រឡាញ់នោះទេ។

យ៉ាងណាមិញ បុរសរូបនេះមិនបានបោះបង់ឡើយ ហើយបានព្យាយាមបបួលខាងស្រីដើរលេងពេញមួយខែ ដែលចៃដន្យកាលនោះខាងស្រីទើបតែលែងប្តីទៀត។ បុរសរូបនេះបានព្យាយាមលួងលោម បង្ហាញការយកចិត្តទុកដាក់គ្រប់យ៉ាង ហើយក៏បានសារភាពម្តងទៀត តែខាងស្រីនៅតែមិនព្រម លុះថ្ងៃមួយកូនស្រីរបស់នាងលួងលោម​ ទើបនាងសម្រេចចិត្តទទួលយកបុរសរូបនេះ ហើយបានរៀបការ និង រស់នៅជាមួយគ្នាតាំងពីពេលនោះមក៕

ប្រភព៖ Khaosod