មកដល់ពេលនេះ រយៈពេល ៥ ថ្ងៃហើយ ដែលពិធីការិនី នូ មៈនេត្រអាថាណា បានទទួលមរណភាពដោយសារជំងឺមហារីក កាលពីថ្ងៃទី ២៦ ខែមករា ឆ្នាំ ២០២៥ នៅមន្ទីរពេទ្យប្រទេសថៃ។
តាមរយៈការបង្ហោះជូនដំណឹងលើហ្វេសប៊ុកបងស្រីរបស់ពិធីការិនីរូបនេះ ឈ្មោះ MaDa HP បានឱ្យដឹងថា សពរបស់ពិធីការិនី នូ មៈនេត្រអាថាណា នឹងត្រៀមដឹកមកខ្មែរនៅថ្ងៃទី ៣១ ខែមករា ឆ្នាំ ២០២៥ នេះ ដើម្បីរៀបចំកម្មពិធីបុណ្យសព និង បុណ្យគំរប់ ៧ ថ្ងៃ ព្រមធ្វើពិធីដង្ហែសពទៅបូជានៅព្រឹកថ្ងៃ ច័ន្ទ ទី ៣ ខែកុម្ភៈ ឆ្នាំ ២០២៥ វេលាម៉ោង ៩:៣០ នាទីព្រឹក។
យ៉ាងណាមិញ មកដល់ល្ងាចថ្ងៃទី ៣១ ខែមករា ឆ្នាំ ២០២៤ នេះ តាមការបង្ហោះលើហ្វេសប៊ុក MaDa HP បានឱ្យដឹងថាសពរបស់ពិធីការិនី នូ មៈនេត្រអាថាណា បានដឹកមកដល់កម្ពុជាហើយ និង កំពុងរៀបចំតម្កល់ធ្វើកម្មពិធីបុណ្យសពនៅឯគេហដ្ឋានបុរីវិមានភ្នំពេញ ផ្លូវជាសុផារ៉ា 598។
ក្នុងនោះ បងស្រីរបស់ពិធីការិនីរូបនេះ បានរៀបរាប់ថា ៖ «មកដល់ផ្ទះហើយ ប្អូនបាននៅផ្ទះថ្មីហើយ ស្លៀកពាក់ ផាត់មុខស្អាតដូចបំណងហើយ ដើរលេងឲសប្បាយណា អាអូន»៕
