បើគិតមកដល់ពេលនេះ រយៈពេលប្រមាណជាង ២០ ឆ្នាំ មកហើយ ដែលតារាចម្រៀងកូនកាត់ចិន លី អ៊ីវ៉ាធីណា បានឈរជើងលើវិថីសិល្បៈ និង ទទួលបានប្រជាប្រិយមិនចាញ់សិស្សប្អូនជំនាន់ក្រោយនោះឡើយ។
បើទោះជាមិនជ្រកក្រោមផលិតកម្មណាមួយ លី អ៊ីវ៉ាធីណា នៅតែទទួលបានទីផ្សារការងារសិល្បៈ និង បានផលិតចម្រៀងជាបន្តបន្ទាប់ក្នុងនាមជាតារាចម្រៀងឯករាជ្យ ដោយទទួលបានការគាំទ្រមិនធ្លាក់ដៃរាល់ពេលចេញបទចម្រៀងម្តងៗ។
យ៉ាងណាមិញ ងាកមកកាន់សម្រស់ឯណោះវិញ កាលពីថ្ងៃទី ១០ ខែមីនា ឆ្នាំ ២០២៥ កន្លងទៅនេះ ពោលគឺជាថ្ងៃកំណើតគម្រប់វ័យ ៤០ ឆ្នាំ តារាចម្រៀងស្រីកូនកាត់ចិន លី អ៊ីវ៉ាធីណា បានធ្វើឱ្យអ្នកគាំទ្របើកភ្នែកធំៗ ក្រោយពីនាងបានបង្ហោះរូបភាពជាច្រើនសន្លឹកអបអរថ្ងៃកំណើតក្នុងឈុតប៊ីគីនី។ ក្នុងនោះ អមនឹងសារជូនពរថ្ងៃកំណើត អ្នកគាំទ្រក៏ពោលសរសើរ កញ្ញា លី អ៊ីវ៉ាធីណា ថានៅតែស្រស់ស្អាត បើទោះជាឆ្នាំនេះចូលវ័យ ៤០ ឆ្នាំ ហើយក្តី៕
