ទាក់ទងនឹងបញ្ហាសុខភាពរបស់ Youtuber ល្បីឈ្មោះ Bro Kh មកដល់ថ្ងៃទី ២៨ ខែឧសភា ឆ្នាំ ២០២៥ នេះ លើបណ្ដាញសង្គមមហាជនកំពុងចែករំលែកបង្ហាញក្ដីបារម្ភជាថ្មី ក្រោយពីគណនីហ្វេសប៊ុករបស់លោកបានបង្ហោះប្រាប់ពីស្ថានភាពនៃការព្យាបាលវះកាត់ជើងរបស់លោក។
តាមរយៈការបង្ហោះនេះបានឱ្យដឹងថា បន្ទាប់ពីវះកាត់រួច ជើងរបស់ Bro Kh បានធូរស្បើយជាងមុនហើយ ប៉ុន្តែពេលនេះ ដោយសារតែលោកមានបញ្ហាខ្សោយបេះដូងធ្វើឱ្យទឹកចូលសួត ដែលកំពុងត្រូវការសង្គ្រោះជាបន្ទាន់ និង ត្រូវការចំណាយលើការព្យាបាលច្រើនផងដែរ។
ក្នុងនោះ លើគណនីហ្វេសប៊ុករបស់ Bro Kh បានបង្ហោះរៀបរាប់ថា ៖ «ពុកម៉ែបងប្អូន ជើងរបស់គាត់បានព្យាបាលជាធូរស្បើយហើយ ស្ថានភាព ពេលនេះ បេះដូងគាត់ខ្សោយ ធ្វើឱ្យមានទឹកចូលសួត និង អុកស៊ីសែនគាត់ទាបខ្លាំង ត្រូវការសង្រ្គោះជាបន្ទាន់ ហើយត្រូវការចំណាយច្រើនខ្លាំង និង រយៈពេលព្យាបាលយូរ សូមបងប្អូនជួយជាទឹកចិត្តបន្តិចបន្តួចដើម្បីគាត់បន្តព្យាបាលទៀត»៕
