អភិបាលខេត្តស្រះកែវ ចេញលិខិតប្រកាសឱ្យពលរដ្ឋខ្មែរចំនួន ១៧០ គ្រួសារ រើផ្ទះចេញពីភូមិអូរបីជាន់ នៅតំបន់ព្រំដែន

កាលពីថ្ងៃទី ៣ ខែកញ្ញា ឆ្នាំ ២០២៥ កន្លងទៅនេះ លោក Parinya Tothisat អភិបាលខេត្តស្រះកែវ បានចេញលិខិតមួយក្នុងន័យប្រកាសឱ្យប្រជាជនខ្មែរចំនួន ១៧០ គ្រួសារ រើផ្ទះចេញពីចេញភូមិអូរបីជាន់ ស្រុកអូរជ្រៅខេត្តបន្ទាយមានជ័យ ដែលថៃអះអាងថាជាតំបន់បានណងចាន់ និងបានណងយ៉ាកែវ។

ក្នុងលិខិតនោះ បានលើកឡើងថាប្រជាជនខ្មែរចំនួន ១៧០ គ្រួសារ បានទន្ទ្រានយកទឹកដីតំបន់បានណងចាន់ និងបានណងយ៉ាកែវ ដែលជាទឹកដីរបស់ប្រទេសថៃ។ ប្រជាពលជនទាំងនេះបានសាងសង់ផ្ទះលើតំបន់ទាំងនេះ ស្ថិតក្រោមអនុស្សរណៈនៃការយោគយល់គ្នារវាងប្រទេសថៃ និងកម្ពុជា ស្តីពីការវាស់វែង និងការបោះបង្គោលព្រំដែនគោកឆ្នាំ 2000 (MOU43)។ ដូច្នេះហើយ ប្រទេសថៃត្រូវចាត់​វិធានការផ្លូវច្បាប់ចំពោះអ្នកដែលរំលោភទឹកដីរបស់ខ្លួន។

យ៉ាងណាមិញ ជាពិសេសទៅទៀត អភិបាលខេត្តស្រះកែវរូបនេះ បានស្នើសុំកិច្ចសហការពីអភិបាលខេត្តបន្ទាយមានជ័យនៃព្រះរាជាណាចក្រកម្ពុជា ឱ្យពិចារណារុះរើទីលំនៅរបស់ប្រជាជនខ្មែរចំនួន ១៧០ គ្រួសារចេញ ពីតំបន់បានណងចាន់ និងបានណងយ៉ាកែវ៕

ប្រភព៖ Khaosod