បើគិតមកដល់ពេលនេះ រយៈពេលប្រមាណជិត ៨ ខែមកហើយ ដែលម្ចាស់ជ័យលាភី Cambodia’s Got Talent រដូវកាលទី ១ លោក យឿន ពិសី បានដឹកដៃភរិយាក្រោយចូលរោងការតាមប្រពៃណី កាលពីថ្ងៃទី ២៥ ខែមករា ឆ្នាំ ២០២៥ កន្លងទៅ។
កាលនោះ ក្នុងពិធីមង្គលការ លោក យឿន ពិសី និង ភរិយា គឺអ្នកនាង លីដា ដែលជាតារាចម្រៀងមួយរូបដែរនោះ មានភ្ញៀវកិត្តិយសជាច្រើនបានចូលរួមកម្មវិធី និង អ្នកគាំទ្របានចូលរួមអបអរសាទរដល់គូស្វាមីភរិយាមួយគូនេះជាបន្តបន្ទាប់ផងដែរ។
យ៉ាងណាមិញ ក្រោយរៀបការសាងគ្រួសារជាមួយនឹងភរិយាទី ២ យ៉ាងមានសុភមង្គលហើយនោះ កាលពីថ្ងៃទី ១៣ ខែកញ្ញា ឆ្នាំ ២០២៥ កន្លងទៅ លោក យឿន ពិសី បានប្រកាសដំណឹងល្អ ដោយភរិយារបស់លោកបានសម្រាលបានកូនប្រុសបណ្តូលចិត្ត ដែលជាចំណងដៃអាពាហ៍ពិពាហ៍ហើយ។ ក្នុងនោះដែរ លោក យឿន ពិសី និង ភរិយា ក៏បានដាក់ឈ្មោះឱ្យកូនប្រុសយ៉ាងពីរោះ និង មានន័យថា ពិសី សម្បត្តិបញ្ញា៕
