កាលពីថ្ងៃទី ១០ ខែកញ្ញា ឆ្នាំ ២០២៥ កន្លងទៅនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រតារាចម្រៀងរ៉េប Goofy បានបង្ហាញការអបអរដល់លោក ខណៈតារាចម្រៀងរ៉េបវ័យក្មេងរូបនេះបានប្រកាសដំណឹងត្រៀមទទួលសមាជិកថ្មី ជាកូនស្រីជាទីស្រឡាញ់។
ក្នុងនោះដែរ អ្វីដែលកាន់តែរំភើបទៀតនោះ ក្រោយរង់ចាំអស់រយៈពេលច្រើនខែកូនស្រីរបស់លោក Goofy នឹងបានឃើញពន្លឺព្រះអាទិត្យនៅថ្ងៃទី ១១ ខែកញ្ញា ឆ្នាំ ២០២៥ នេះហើយ រីឯឈ្មោះវិញ លោកប៉ាវ័យក្មេងរូបនេះក៏បានត្រៀមដាក់ឱ្យយ៉ាងពីរោះថា ដែន រតនៈនារីសុទិម៉ា ហៅ Jasmine។
យ៉ាងណាមិញ នៅព្រឹកថ្ងៃទី ១១ ខែកញ្ញា ឆ្នាំ ២០២៥ នេះ លោក Goofy និង ភរិយា បានឃើញមុខកូនស្រីបណ្តូលចិត្តហើយ ដោយអ្នកម៉ាក់ និង ទារកមានសុខភាពល្អណាស់។ ដោយឡែក ក្រឡេកទៅមើលមុខកូនស្រី លោក Goofy ឯណោះវិញ គឺទ្រឡុកទ្រលន់គួរឱ្យក្នាញ់ រីឯមុខមាត់ គឺកាត់រកម៉ាក់បន្តិច កាត់រកប៉ាបន្តិច ពិតជាឃ្យូតគួរឱ្យស្រឡាញ់៕
