បើគិតចាប់តាំងពីថ្ងៃទី ០៤ ខែវិច្ឆិកា ឆ្នាំ ២០២៤ មកដល់ពេលនេះ រយៈពេលជិត ១ ឆ្នាំ មកហើយ ដែលតារាស្រី សុភ័ក្ត្រ កុសុម៉ា និង ស្វាមីបានចាប់ដៃគ្នារៀបការសាងគ្រួសារយ៉ាងមានសុភម្គល។
ក្នុងនោះដែរ ក្រោយរៀបការសាងគ្រួសារក្នុងនាមជាស្វាមីភរិយាហើយនោះ គេបានឃើញអ្នកនាង សុភ័ក្ត្រ កុសុម៉ា និង ស្វាមី កាន់តែមមាញឹកក្នុងកិច្ចការងារច្រើន ជាពិសេស គឺក្រុមតន្ត្រីរបស់អ្នកនាងតែម្តង។
ដោយឡែក ថ្មីៗនេះ អ្នកគាំទ្រ និង មិត្តទាំងក្នុងក្រៅសិល្បៈបានបង្ហាញអារម្មណ៍រីករាយ និង អបអរដល់អ្នកនាង សុភ័ក្ត្រ កុសុម៉ា ក្រោយពីតារាស្រីរូបនេះ បានប្រកាសដំណឹងល្អ គឺអ្នកនាង និង ស្វាមីទទួលបានចំណងដៃទាយាទដំបូងហើយ ជាមួយទឹកមុខពោលពេញដោយស្នាមញញឹម និង ត្រៀមខ្លួនរួចជាស្រេចក្នុងការធ្វើជាឪពុកម្ដាយរបស់គេ៕
