មានករណីដ៏មិនគួរឱ្យនឹកស្មានមួយបានកើតឡើងនៅប្រទេសទួកគី ដោយបុរសម្នាក់បានស្លាប់បាត់បង់ជីវិត ដោយសារតែប្រពន្ធដែលមានទម្ងន់ ១០០ គីឡូ ដួលសង្កត់ពីលើ។
តាមព័ត៌មានបានឱ្យដឹងថា បុរសជាប្តីមានវ័យ ៥៩ ឆ្នាំ ប្រពន្ធមានវ័យ ៦០ ឆ្នាំ និង មានទម្ងន់រហូតដល់ទៅ ១០០ គីឡូឯណោះ។ នៅព្រឹកថ្ងៃកើតហេតុ បន្ទាប់ពីងើបពីដំណេក ស្រ្តីជាប្រពន្ធក៏បានដើរទៅរកប្តីដែលកំពុងដេកនៅលើឥដ្ឋម្ខាងទៀតនៃគ្រែ ស្រាប់តែដើរទៅក៏បានភ្លាត់ជើងដួលសង្កត់ទៅលើប្តីដែលកំពុងដេកនោះតែម្តង។
យ៉ាងណាមិញ ស្រ្តីជាប្រពន្ធបានព្យាយាមស្រែកហៅឱ្យគេជួយ រហូតឮដល់អ្នកជិតខាង នាំគ្នាប្រុសៗចំនួន ៥ នាក់មកជួយលើកទើបបាន។ ដោយឡែក ខណៈឡានសង្រ្គោះមកដល់ បុរសជាប្តីក៏បានបាត់ស្មារតី ហើយក្រោយមកក៏បានបាត់បង់ជីវិតទៅ។ មូលហេតុនៃការស្លាប់ត្រូវបានគេសន្និដ្ឋានថា ជាការថប់ដង្ហើមស្លាប់ដោយឧប្បទ្ទវហេតុ ហើយប៉ូលិសបានបញ្ជាក់ថាមិនមែនជាបទល្មើសព្រហ្មទណ្ឌឡើយ ដូចនេះស្រ្តីជាប្រពន្ធគ្មានទោសឡើយ តែនាងបានប៉ះពាល់ផ្លូវចិត្តធ្ងន់ធ្ងរណាស់៕
ប្រភព៖ Sanook
