ពិតណាស់ ស្របពេលជាបេក្ខភាពប្រកួតក្នុងកម្មវីធិ Miss Lakamo Cambodia 2025 ថ្មីៗកន្លងទៅនេះ ដេត ស្រីនាឌ ក៏ទទួលបានឱកាសស្ដារកេរ្តិ៍ឈ្មោះជាថ្មីលើវិស័យនេះ ដែលនាងត្រូវបានជ្រើសរើសជាតារាបង្ហាញម៉ូដតំណាងឱ្យកម្ពុជា ចូលរួមក្នុងកម្មវិធី Global Student Fashion Week នៅឯប្រទេសវៀតណាម។
ចំពោះកម្មវិធី Global Student Fashion Week នេះ ជាកម្មវិធីលំដាប់អន្តរជាតិដ៏ធំមួយ រៀបចំឡើងលើទឹកដីវៀតណាមចាប់ពីថ្ងៃទី ១៧ ខែមីនា ឆ្នាំ ២០២៥ នេះ ដែលបានឃើញមានវត្តមានចូលរួមពីតារាបង្ហាញម៉ូដល្បីៗជុំវិញពិភពលោកផងដែរ។
យ៉ាងណាមិញ ក្រឡេកមកចាប់អារម្មណ៍ចំពោះវត្តមានរបស់តារាបង្ហាញម៉ូដតំណាងកម្ពុជា ដេត ស្រីនាឌ វិញ ក៏ឆក់បានការចាប់អារម្មណ៍ខ្លាំងដែរពីអ្នកគាំទ្រទាំងក្នុង និង ក្រៅប្រទេស ដោយនាងបានដើរបង្ហាញខ្លួនក្នុងឈុតសម្លៀកបំពាក់ប្រពៃណីវៀតណាមយ៉ាងស្រស់ស្អាត និង ជឿជាក់ខ្លាំងបង្ហាញម៉ូដលើឆាកដ៏អស្ចា្យនេះ៕
