មហាជនដែលធ្លាប់តាមដានពីស្នាដៃរបស់ ALmée Couture និង អ្នកច្នៃម៉ូដល្បីឈ្មោះ Taing Sokhang សុទ្ធសឹងតែបានឃើញហើយនូវស្នាដៃ និង ទេពកោសល្យលើវិស័យច្នៃម៉ូដឈុតសម្លៀកបំពាក់ ដែលធ្លាប់ច្នៃរចនាម៉ូដឈុតដល់អ្នកសិល្បៈល្បីៗ និង បវរកញ្ញាក្នុងកម្មវិធីជាច្រើនកន្លងមក ព្រមទាំងមានស្នាដៃដ៏ប្រណីតៗច្នៃរំលេចទាំងរចនាបថបុរាណ សម័យ ប្រពៃណី ចូលរួមលើកស្ទួយវប្បធម៌ខ្មែរជាច្រើនផងដែរ។
មកដល់ថ្មីៗកន្លងទៅនេះ មហាជន ក៏ដូចជាអ្នកសិល្បៈជាច្រើន បានបង្ហាញការអបអរដល់ Almée Couture និង កញ្ញា Sokhong Taing ដែលទទួលបានឱកាសដ៏ធំ សម្រាប់ការបង្ហាញឈុត Collection ផ្តាច់មុខ មានឈ្នោះថា «Spririt Of the forgotten» លើឆាក New York Fashion Week 2025 នៅទីក្រុង New York សហរដ្ឋអាមេរិក ដែលជាប្រវត្តិសាស្រ្តដំបូងសម្រាប់កម្ពុជា។
ក្នុងនោះ អ្វីកាន់តែចាប់អារម្មណ៍ ក្នុងព្រឹត្តការណ៍ដ៏អស្ចារ្យបង្កើតដោយកូនខ្មែរលើទឹកដីទីក្រុង New York នេះ ក៏ទទួលដំណឹងថាតារាស្រី និង បវរកញ្ញា ចំនួន ៣ រូប គឺកញ្ញា Melia , កញ្ញា ឈុំ ចាន់ដារ៉ា និង កញ្ញា ផន ស្រីពី នឹងមានវត្តមានចូលរួមក្នុងនាមជាតារាម៉ូឌែលកម្ពុជាជាមួយនឹង Collection ស្នាដៃកូនខ្មែរ ដើរលើឆាកអន្តរជាតិដ៏លេចធ្លោបង្ហាញទៅកាន់ពិភពលោកផងដែរ៕
