ចាប់ផ្តើមក្រុមរយៈពេលជាច្រើនឆ្នាំ នេះជាលើកទីមួយហើយដែល ក្រុមចម្រៀងស្រី 4EVER របស់ផលិតកម្ម K’ve entertainment នៅកម្ពុជា បានចេញបទ ចម្រៀង MV សម្រាប់ក្រុមរបស់ខ្លួន។ បទ MV ដែលជា Original Song នេះ ទើបបានទម្លាក់ផ្លូវការ កាលពីថ្ងៃទី ២១ ខែ មីនា ឆ្នាំ ២០២៥ ក្រោមចំណងជើង Silly Love Game។
ជាមួយស្ទីលបែបកូរ៉េ បទនេះផ្ទុះការចាប់អារម្មណ៍ខ្លាំងពីយុវវ័យ ដោយហេតុទាំងសាច់ភ្លេង ការច្រៀង រ៉េប និង រាំ មើលមកពិតជាប្លែក និង ជា MV ដែលមានគុណភាពខ្ពស់ ឬអាចថាមិនចាញ់ MV K-pop ឡើយ។ ក្រោយទម្លាក់បទនេះមិនបានប៉ុន្មាននាទី មានអ្នកចូលទៅ Like, comment, និង Share ជាហូរហែ ទាំងនៅលើបណ្តាញសង្គមហ្វេសប៊ុក និង YouTube។ ជាពិសេស យុវវ័យខ្លះបានចូល Comment ថា «MV នេះពិតជាទាក់ទាញ», «ស្រលាញ់ខ្លាំងៗ» ឯខ្លះទៀតថា «ឡូយណាស់បង! មើលដំបូងស្មានតែ K-pop idol debut ថ្មីតើ! ម្នាក់ៗស្អាតញាក់ ភ្លេងក៏ឡូយទៀត!»។
ស្ថិតក្រោមផលិតកម្ម ដែលមានម្ចាស់ជាជនជាតិកូរ៉េ ក្រុមចម្រៀងស្រីកម្ពុជា 4EVER មានសមាជិក ៣ រូប សុទ្ធតែស្រស់ស្អាត និង ទេពកោសល្យពិសេសដោយឡែក គឺមាន Lemon, Berry និង Jieun។ ចង់ដឹងថា MV ឡូយប៉ុនណា សូមទស្សនាដូចខាងក្រោម៖
