ឡានកង់ ១០ មួយគ្រឿង អ្នកបើកងងុយដេក ជ្រុលទៅបុ./ កឡានក្រុងយោធាថៃ បណ្តាលឱ្យទាហានថៃ ១៩ នាក់បានរងរបួស និង ស្លា./ ប់អស់ ១ នាក់

នៅថ្ងៃទី ២៤ ខែកក្កដា ឆ្នាំ ២០២៥ នេះ សារព័ត៌មាន Khaosod បានរាយការណ៍ឱ្យដឹងថា មានករណីឡានស្ទូចកង់ ១០ មួយគ្រឿង បានងក់ងងុយដេក និង ជ្រុលទៅបុកឡានក្រុងដឹកទាហានមួយគ្រឿង ដែលបានបណ្តាលឱ្យទាហាន ១៩ នាក់បានរងរបួស និង ១ នាក់បានបាត់បង់ជីវិត។

តាមព័ត៌មាន បានឱ្យដឹងថា ហេតុការណ៍បានកើតឡើងនៅផ្លូវលេខ ៤០១ ត្រង់ចំណុច Ban Thanon Phat ភូមិ 13 ឃុំ Tung Prang ខេត្ត Nakhon Si Thammarat។ ក្នុងនោះ ឡានក្រុងទាហានខាងលើ ជាឡានរបស់ក្រុមជំរុំហ្វឹកហ្វឺនពិសេស ដែលមានផ្ទុកទាហានចំនួន ២២ នាក់ ដោយទើបត្រឡប់មកពីធ្វើការស្ម័គ្រចិត្ត ហើយឆ្ពោះទៅកាន់ជំរុំវិញ។ ជាអកុសលមកនៅពេលដល់កន្លែងកើតហេតុ ឡានទាហានបានឈប់សម្រាកនៅចិញ្ចើមផ្លូវ ហើយក៏ត្រូវបានឡានស្ទូចកង់ ១០ មកបុកពីក្រោយមួយទំហឹង បណ្តាលឱ្យធ្លាក់ផ្លូវទាំងពីរគ្រឿង។

យ៉ាងណាមិញ ព័ត៌មានបានឱ្យដឹងទៀតថា មានទាហានចំនួន ១៩ នាក់បានរងរបួសស្រាល ហើយមាន ១ នាក់បានស្លាប់បាត់បង់ជីវិត​ ខណៈអ្នកបើកបរឡានកង់ ១០ ចំនួន ២ នាក់បានទុកឡានចោល និង រត់គេចខ្លួនពីកន្លែងកើតហេតុបាត់៕

ប្រភព៖ Khaosod