ជាការពិតណាស់ ក្រៅពីការងារសិល្បៈ ក្រឡេកទៅមើលជីវិតឯកជន ពោលគឺជីវិតគូរបស់ វណ្ណដា វិញ ក៏ត្រូវបានអ្នកគាំទ្រចាប់ក្រសែភ្នែកមើលរាល់គ្រប់សកម្មភាពរបស់លោក និង មិត្តស្រី គឺកញ្ញា Lauryn ផងដែរ។
កន្លងមក មហាជនភាគច្រើនច្បាស់ជាបានជ្រាបហើយពីទំនាក់ទំនងស្នេហារបស់ លោក វណ្ណដា និង កញ្ញា Lauryn បើគិតមកដល់ពេលនេះ អ្នកទាំង ២ បើកចំហស្នេហាជាសាធារណៈប្រមាណជិត ២ ឆ្នាំ ហើយ។ ក្នុងនោះ ជីវិតគូរបស់លោក វណ្ណដា និង មិត្តស្រីឯណោះវិញ ក៏មានមហាជនជាច្រើនលួចច្រណែនដូចគ្នាដែរ ដោយខាងប្រុសជាបុរសជោគជ័យ រីឯខាងស្រីក៏ដូចគ្នា ដែលជានារីពូកែគ្រប់សព្វមិនថាតែ ការងាររកស៊ី ឬកិច្ចការផ្ទះធ្វើម្ហូបនោះឡើយ។
ដោយឡែក បើនិយាយពីខែឆ្នាំកំណើតរបស់ លោក វណ្ណដា និង កញ្ញា Lauryn ក៏គួរឱ្យចាប់អារម្មណ៍ដែរ បើនិយាយពីជំនឿជើងលេខគូជីវិតទៅតាមតារានិករឯណោះវិញ ដោយអ្នកទាំង ២ គឺពិតជាគូស្នេហ៍ល្អឥតខ្ចោះមែន។ ក្នុងនោះលោក វណ្ណដា កើតនៅថ្ងៃទី ២២ ខែមករា ដែលជាតារានិករ «Aquarius» រីឯកញ្ញា Lauryn កើតនៅថ្ងៃទី ២០ ខែមីនា ដែលជាតារានិករ «Pisces»។
ក្នុងនោះបើតាមជំនឿ តារានិករ «Aquarius» និង តារានិករ «Pisces» គឺជាគូស្នេហ៍មួយ ត្រូវបានគេចាត់ទុកថាល្អបំផុត ព្រោះតារានិករទាំងពីរនេះអាចបំពេញគ្នាទៅវិញទៅមក។ លើសពីនោះ ប្រសិនតារានិករ ២ នេះ ចេះគោរពគ្នាទៅវិញទៅមក និង លើកទឹកចិត្តគ្នាទៅវិញទៅមក នោះជីវិតរបស់ពួកគេនឹងពោរពេញដោយភាពជោគជ័យ និង ផ្អែមល្ហែម៕
