នៅយប់ថ្ងៃទី ១៣ ខែតុលា ឆ្នាំ ២០២៥ តាមរយៈគណនីរដ្ឋមន្ត្រីក្រសួងព័ត៌មាន ឯកឧត្តម នេត ភក្ត្រា បានបញ្ជាក់ឱ្យដឹងថា នៅយប់ថ្ងៃទី ១៣ ខែតុលា ជាយប់ថ្ងៃទី ៤ ដែលទាហាន និង ក្រុមជ្រុលនិយម បន្តចាក់បំពងសំឡេងយ៉ាងទ្រហឹងត្រចៀក នៅភូមិព្រៃចាន់ និង ភូមិជោគជ័យ បើទោះបីជាសាធារណជនថៃ សមាជិកព្រឹទ្ធភាព និង មន្ត្រីច្បាប់ថៃ ធ្វើការរិះគន់ថាជាទង្វើអសីលធម៌ និង ជាទម្រង់នៃការបំភិតបំភ័យ និង ការយាយីផ្លូវចិត្ត ដល់ពលរដ្ឋកម្ពុជារស់នៅតាមព្រំទល់ដែនក៏ដោយ។
តាមប្រភពបានបន្តឱ្យដឹងទៀតថា នៅយប់ថ្ងៃទី ១៣ ខែតុលា ពួកគេបានប្រើប្រាស់ឧបករណ៍បំពងសំឡេងខ្លាំងជាងរយៈពេល ៣ ថ្ងៃមុន សំឡេងដែលគេចាក់ជាសំឡេងព្រឺព្រួច ឆ្កែលូ សំឡេងយន្តហោះ សំឡេងរំខានផ្សេងៗទៀត។ អ្នកជំនាញបានលើកឡើងថា ទង្វើនេះបានប៉ះពាល់យ៉ាងខ្លាំងដល់សុខភាពមនុស្សជាពិសេសកុមារ៕
