កាលពីថ្មីៗកន្លងទៅនេះ មានករណីដ៏គួរឱ្យហួសចិត្តមួយនៅប្រទេសថៃ ដោយប៉ូលិសបានចុះឈូរឆរទៅត្រួតពិនិត្យប្រអប់ចម្លែកមួយ ដោយសង្ស័យថាជាសាកសព តែតាមពិតគឺជាតុក្កតាជ័រសម្រាប់បម្រើផ្លូវភេទ មិនដឹងថានរណាយកមកបោះចោល។
តាមព័ត៌មានបានឱ្យដឹងថា មានគេបានរាយការណ៍ទៅកាន់អាជ្ញាធរប៉ូលិសថា បានប្រទះឃើញមានប្រអប់អ្វីម្យ៉ាងចម្លែកនៅកន្លែងចោលសំរាមក្រោយអគារស្នាក់នៅមួយកន្លែង ហើយអាជ្ញាធរក៏បានចុះទៅត្រួតពិនិត្យយ៉ាងប្រញាប់ ព្រោះខ្លាចថាជាករណីឃាតកម្ម។ អ្វីដែលគួរឱ្យអស់សំណើចនោះ តាមពិតទៅក្នុងប្រអប់គឺជាតុក្កតាមនុស្សស្រីដែលធ្វើឡើងពីជ័រសម្រាប់បម្រើផ្លូវភេទ ដែលតុក្កតានេះក៏នៅថ្មីចែស ហាក់ដូចជាមិនទាន់បានប្រើនៅឡើយទេ។
ប៉ូលិសបានសន្និដ្ឋានថា ប្រហែលម្ចាស់ទិញហើយមិនពេញចិត្តទើបយកមកបោះចោល ឬម្យ៉ាងទៀតអាចមានអ្នកលួចយកមកបោះចោលព្រោះតែខ្លាចសង្សារឃើញ។ ដោយឡែក តុក្កតានេះត្រូវអាជ្ញាធរយកទៅរក្សាទុកនៅឯប៉ុស្តិ៍ប៉ូលិសសិន ដើម្បីរង់ចាំស៊ើបសួររកម្ចាស់ផងដែរ៕
ប្រភព៖ AMARINTV
