មានរឿងរ៉ាវដ៏គួរឱ្យហួសចិត្តអស់សំណើចមួយនៅប្រទេសចិន ដែលលោកយាយម្នាក់បានបាត់ធ្មេញដាក់ទាំងស្និត មិនដឹងទៅណា ខំរកយ៉ាងណាក៏មិនឃើញ ស្រាប់តែចុងក្រោយទៅឃើញនៅក្នុងមាត់ឆ្កែ។
តាមព័ត៌មានបានឱ្យដឹងថា ផ្ទះលោកយាយមានចិញ្ចឹមឆ្កែចំនួន ៣ ក្បាល ហើយថ្ងៃមួយលោកយាយបានបាត់ធ្មេញដាក់ ក្រោយពីដោះលាងរួចរាល់។ លោកយាយខំរកពេញផ្ទះ ខំរកសឹងតែកន្លះថ្ងៃមិនឃើញសោះ រហូតដល់ចុងក្រោយ ស្រាប់តែឃើញនៅក្នុងមាត់ឆ្កែមួយក្បាលរបស់លោកយាយ ដែលវាកំពុងពាក់ញញឹមស្ញេញគួរឱ្យអស់សំណើចតែម្តង។
យ៉ាងណាមិញ ដោយសារតែហួសចិត្តពេក ទើបកូនចៅលោកយាយបានយករឿងនេះមកចែកចាយនៅតាមបណ្តាញសង្គម ដែលមហាជនជាច្រើនក៏ចាប់អារម្មណ៍ ហើយក៏អស់សំណើចមិនចាញ់គ្នានោះដែរ៕
ប្រភព៖ Khaosod
