កាលពីថ្ងៃទី ១៨ ខែសីហា ឆ្នាំ ២០២៥ កន្លងទៅនេះ នាយករដ្ឋមន្រ្តីស្តីទីរបស់ថៃ លោក Phumtham បាននិយាយថា បើសិនជាសម្តេច ហ៊ុន សែន និង សម្តេច ហ៊ុន ម៉ាណែត ចូលមកក្នុងប្រទេសថៃកាលណា នោះនឹងត្រូវចាប់ខ្លួនយកទៅកាត់ទោសក្នុងតុលាការថៃ។
តាមការលើកឡើងរបស់លោក Phumtham បានឱ្យដឹងថា ក្រុមប្រឹក្សាសន្តិសុខជាតិ (NSC) បានសម្រេចថា នឹងដាក់ពាក្យបណ្តឹងរដ្ឋប្បវេណី និង ព្រហ្មទណ្ឌប្តឹងចំពោះមេដឹកនាំកម្ពុជា គឺសម្តេច ហ៊ុន សែន និង សម្តេច ហ៊ុន ម៉ាណែត ក្នុងករណីដែលបានប្រើកម្លាំងយោធា និង ប្រដាប់អាវុធបង្កការប៉ះពាល់ដល់អធិបតេយ្យភាព និង អាយុជីវិត ទ្រព្យសម្បត្តិរបស់ប្រជាជនថៃ។
យ៉ាងណាមិញ បណ្តឹងនេះដែរគឺជាបណ្តឹងនៅក្នុងប្រទេសថៃ បើសិនជាសម្តេចទាំងពីរចូលមកដល់ក្នុងទឹកដីប្រទេសថៃពេលណា នោះនឹងត្រូវចាប់ខ្លួនយកមកកាត់ទោសទៅតាមផ្លូវច្បាប់។ មកទល់ពេលនេះ ខាងអាជ្ញាធរកំពុងបើកការទទួលបណ្តឹងរួមពីប្រជាជនជន និង ភ្នាក់ងារមួយចំនួន រួចខាងពាក់ព័ន្ធនឹងធ្វើការស៊ើបអង្កេត និង ប្រមូលភស្តុតាងដាក់ជូនទៅកាន់ព្រះរាជអាជ្ញា៕
ប្រភព៖ Khaosod
