នៅតាមបណ្តាញសង្គម TikTok ក្នុងប្រទេសថៃ កំពុងតែផ្ទុះការអស់សំណើចហួសចិត្តទៅលើរឿងរ៉ាវរបស់នារីម្នាក់ ដែលត្រូវម្តាយឱ្យជួយប្រូម៉ូតហាងលក់ស៊ុមផ្កាដាក់រូបថតអ្នកស្លាប់ឱ្យ ព្រោះតែឃើញកូនពូកែលេង TikTok ។
នារីខាងលើនេះ បានចែកចាយនៅតាមបណ្តាញសង្គម TikTok របស់ខ្លួនថា ម្តាយរបស់នាងបានឃើញថា គណនី TikTok របស់នាងមានអ្នកតាមដានច្រើន ទើបម្តាយក៏បានមកប្រាប់នាងថាឱ្យជួយប្រូម៉ូដហាងដែលបើកមុខរបររកស៊ីប្រចាំគ្រួសារឱ្យផង គឺឱ្យអ្នកតាមដានមកជួយទិញ ប៉ុន្តែនាងក៏ហួសចិត្តអស់សំណើច ព្រោះនាងមិនដឹងថាគួរតែប្រម៉ូដរបៀបណា ព្រោះហាងម្តាយនាងគឺជាហាងលក់ស៊ុមផ្កាដែលសម្រាប់ដាក់រូបថតអ្នកស្លាប់។
យ៉ាងណាមិញ មហាជនឃើញហើយពិតជានាំគ្នាអស់សំណើចណាស់ ហើយថែមទាំងនាំគ្នាពោលពាក្យពេចន៍លេងសើចផ្សេងៗ ដែលធ្វើឱ្យកាន់តែអស់សំណើចថែមមួយកម្រិតទៀតតែម្តង៕
ប្រភព៖ Kapook
