ថ្មីៗនេះ សារព័ត៌មានបរទេសបានរាយការណ៍ពីករណីហាងអាហារចិនមួយកន្លែង នៅប្រទេសអេស្ប៉ាញ ដែលត្រូវបានអាជ្ញាធរចុះបិទ ក្រោយពីគេរកឃើញថាម្ចាស់ហាងបានយកសត្វព្រាបមកបន្លំជាទាអាំងលក់ឱ្យភ្ញៀវ។
តាមព័ត៌មានបានឱ្យដឹងថា ហាងអាហារមួយនេះស្ថិតនៅសង្កាត់ Usera នៃទីក្រុង Madrid ប្រទេសអេស្ប៉ាញ ហើយខាងប៉ូលិសអាជ្ញាធរបានឆ្មក់ចុះទៅត្រួតពិនិត្យ ឃើញថាក្នុងហាងមិនមានអនាម័យគ្រប់គ្រាន់ ពេញទៅដោយសត្វកន្លាត អន្ទាក់កណ្តុរ និង មានទូទឹកកកដុះស្នឹមដែលស្តុកទៅដោយសាច់សត្វមិនស្គាល់ច្រើនប្រភេទ និងមានលក់ត្រសក់សមុទ្រ ដែលត្រូវគេដឹងថាជារបស់ខុសច្បាប់ក្នុងប្រទេសទៀតផង។
លើសពីនេះទៅទៀត អាជ្ញាធរបានឃើញមានសត្វព្រាបដែលបោចរោមហើយនៅក្នុងប្រអប់ជាច្រើន ដែលខាងប៉ូលិសបានសន្និដ្ឋានថា សត្វព្រាបទាំងនេះជាសត្វព្រាបនៅតាមផ្លូវ ដែលត្រូវខាងហាងចាប់យកមកធ្វើនៅក្នុងផ្ទះបាយ ដើម្បីកែច្នៃទៅជាអាហារចិន។ យ៉ាងណាមិញ ហាងមួយនេះបានបើកមកជាង ១០ ឆ្នាំមកហើយ តែឥឡូវនេះត្រូវខាងអាជ្ញាធរចុះបិទដោយមិនកំណត់ ហើយម្ចាស់ហាងកំពុងត្រូវបានស៊ើបអង្កេតពីបទបំពានច្បាប់សុខភាពសាធារណៈផងដែរ៕
ប្រភព៖ Khaosod
