ពិធីសែនក្បាលទឹក គឺជាពិធីបុណ្យដែលបងប្អូនជនជាតិចិន និង បងប្អូនខ្មែរសែស្រឡាយចិន តែងប្រារព្ធធ្វើជារៀងរាល់ឆ្នាំ ខណៈក្នុងឆ្នាំ ២០២៥ នេះ ពិធីបុណ្យសែនក្បាលទឹក នឹងត្រូវប្រព្រឹត្តទៅនៅថ្ងៃទី ៦ ខែកញ្ញា ឆ្នាំ ២០២៥ ស្អែកនេះ។
កៀកនឹងថ្ងៃសែនខិតជិតមកដល់ តាមរយៈផេក ហុងស៊ុយ របស់លោកគ្រូចិនសែ ម៉ុង បានចែករំលែកអំពីត្រណមមួយចំនួន តាមក្បួនហុងស៊ុយ ដែលគួរប្រុងប្រយ័ត្នក្នុងរដូវកាលសែនក្បាលទឹក ២០២៥ នេះ ដែលមានដូចជា ៖
១. ហាមដាច់យប់
២. ហាមដើរលេងខាងក្រៅ ដាច់យប់
៣. ហាម ស្រែកហៅឈ្មោះលឺៗ ជាពិសេសពេលយប់
៤. ហាមដាក់កន្ដឹង ឬ ទូរស័ព្ទលើក្បាលដំណេក
៥. ហាមដាក់ស្បែងជើងក្បែរគ្រែគេង
6 ហាមផ្អែកជញ្ជាំងផ្ទះ ឬ ជញ្ជាំងរបងខាងក្រៅផ្ទះ
៧. ហាមហែលទឹក ឬ លេងទឹក
៨. ហាមងាកក្រោយ ពេលឮសំលេងចម្លែកហៅអ្នក
៩. ហាមលួចហូបចំនីអាហារដែលគេកំពុងសែន
១០. ហាមយកចង្កឹះចាក់ពីលើបាយ
១១. ហាមថតរូប ពេលយប់
១២. ហាមបញ្ជាំងពិល ទៅលើដើមឈើ ឬ ទីងងឹត
១៣. ហាមស្រែកពាក្យថា (ខ្មោចៗ) មិនថាថ្ងៃឬយប់
១៤. ហាមដេកទាំងសក់នៅរញ៉េរញ៉ៃ
១៥. ហាមហាលខោអាវ ពេលមេឃងងឺត ឬពេលយប់
១៦. ហាមពាក់អាវខ្មៅ ឬ ក្រហម
១៧. ហាមរើសអាហារដែលជ្រុះ មកហូបវិញ
១៨. សូមរៀបចំសែនក្បាលទឹក នៅថ្ងៃទី ០៦ ខែកញ្ញា ឆ្នាំ ២០២៥៕
