នៅសល់តែប៉ុន្មានថ្ងៃទៀតប៉ុណ្ណោះ ព្រលានយន្តហោះមរតកតេជោ នឹងបើកដំណើរការបណ្តោះអាសន្ន គឺនៅថ្ងៃទី ៩ ខែកញ្ញា ឆ្នាំ ២០២៥។ ព្រលានយន្តហោះនេះ មានរចនាបថជឿនលឿនក្នុងសម័យកាលថ្មី បង្ហាញពីរចនាបថស្ថាបត្យកម្មខ្មែរនាសហសម័យកម្ពុជា និង ក្នុងសម័យសន្តិភាព ក្រោមការដឹកនាំរបស់សម្តេចតេជោ និង សម្តេចធិបតី ហើយក៏បានរួមបញ្ចូលសំណង់មានលក្ខណៈវប្បធម៌ខ្មែរ ចម្លាក់ព្រះពុទ្ធបដិមា និង ចម្លាក់គំនូរជាច្រើនទៀត។
អ្វីដែលសំខាន់ទៀតនោះ ព្រលានយន្តហោះមរតកតេជោ គឺជាការសាងសង់ឡើងដោយកូនខ្មែរស្ទើរតែ ១០០% ទាំងវិស្វករ ទាំងស្ថាបត្យករ ទាំងកម្មករទាំងអស់។ ព្រលានយន្តហោះអន្តរជាតិតេជោលំដាប់ 4F នេះ គឺជាព្រលានយន្តហោះធំជាងគេទី ៩ នៅក្នុងពិភពលោក ដែលបានចំណាយទឹកប្រាក់វិនិយោគប្រមាណ ១៥០០ លានដុល្លារ ក្នុងដំណាក់កាលទី ១ នៅលើផ្ទៃដីជាង ២៦០០ ហិកតា។
គួរឱ្យដឹងដែរថា ព្រលានយន្តហោះមរតកតេជោ មានទីតាំងស្ថិតនៅមហាវិថីសម្តេចតេជោ ហ៊ុនសែន ស្ថិតក្នុងស្រុកកណ្ដាលស្ទឹង ខេត្តកណ្ដាល៕
Photo credit : KiloTRAVEL
