ស្អាតឆ្លាតពូកែ! កូនស្រី កែវ ចាន់និមល អាយុត្រឹម ១៣ ឆ្នាំចេញទៅបរទេសជាមួយការសិក្សា ធ្វើឱ្យឪពុកម្ដាយមានមោទកភាពខ្លាំង

បើនិយាយពីជីវិតគ្រួសាររបស់ពិធីការិនីកំពូលវោហារស័ព្ទ អ្នកនាង កែវ ចាន់និមល សព្វថ្ងៃកំពុងទទួលបានគ្រួសារមួយយ៉ាងពោរពេញដោយសុភមង្គល និង ក្ដីសុខខ្លាំងជាមួយស្វាមី និង កូនប្រុសស្រីបណ្ដូលចិត្ត ២  នាក់។

ម្យ៉ាងវិញទៀត ក្នុងជីវិតគ្រួសារដ៏កក់ក្ដៅនេះដែរ បើចាប់អារម្មណ៍ចំពោះកូនស្រីច្បងដ៏គួរឱ្យស្រឡាញ់របស់អ្នកនាង ពេលនេះមានវ័យ ១៣ ឆ្នាំហើយ កាន់តែធំពេញរូបពេញរាង ទាំងស្រស់ស្អាត ឆ្លាតគួរឱ្យស្រឡាញ់ខ្លាំង ដែលតែងឃើញពិធីការិនីរូបនេះបង្ហាញសកម្មភាពផ្សេងៗយ៉ាងពូកែរបស់កូនស្រីផងដែរ។

ជាក់ស្ដែង ថ្មីៗនេះ ពិធីការិនី កែវ ចាន់និមល ហាក់មានការរំភើបចិត្ត ​និង មោទកភាពខ្លាំងចំពោះកូនស្រីច្បង ខណៈបានឃើញកូនស្រីព្យាយាមរៀនសូត្រយ៉ាងពូកែរហូតមានឱកាសចេញទៅក្រៅប្រទេសជាមួយនឹងការសិក្សាររបស់នាងជាលើកដំបូងក្នុងវ័យត្រឹមតែ ១៣ ឆ្នាំ។

ក្នុងនោះ អ្នកនាង កែវ ចាន់និមល បានបង្ហោះរៀបរាប់ថា ៖ «Good Luck កូនស្រីសំណព្វចិត្តម៉ាក់ Seyla Chan Tepi លើកដំបូងដែលកូនត្រូវចេញទៅក្រៅប្រទេសជាមួយការសិក្សារបស់កូន ហើយក៏ជាអ្វីដែលប៉ាម៉ាក់មានមោទកភាព និង ព្យាយាមលើកទឹកចិត្តកូនបន្ថែមដែរ»។

ទន្ទឹមនឹងនេះដែរ មហាជនអ្នកគាំទ្រ ក៏ដូចជាអ្នកសិល្បៈ បានបង្ហាញនូវអារម្មណ៍រំភើបជំនួសពិធីការិនីរូបនេះ និង មានពាក្យពេចន៍សរសើរជាច្រើនចំពោះកូនស្រីរបស់នាងផងដែរ៕