ស្វាមីល្អ! អតីតតារាប្រុស ជុំ ស៊ីថា ស្រឡាញ់ស្ម័គ្រស្មោះភរិយាខ្លាំង សូម្បីរឿងនេះក៏ឱ្យប្រពន្ធអ្នកកាន់កាប់

បើគិតមកដល់ពេលនេះ រយៈពេលប្រមាណជិត ១០ ឆ្នាំ មកហើយ ដែលអតីតតារាបង្ហាញម៉ូដ និង ជាតារាសម្ដែងរូបសង្ហា លោក ជុំ ស៊ីថា បានសម្រេចចាកចេញពីសិល្បៈបន្តិចៗម្តង និង សាងគ្រួសារយ៉ាងមានសុភមង្គល ព្រមទាំងបំពេញតួនាទីក្នុងស្ថាប័នរដ្ឋ។

ក្នុងនោះដែរ បើនិយាយពីជីវិតគ្រួសាររបស់អតីតតារាបង្ហាញម៉ូដ និង ជាតារាសម្ដែងរូបសង្ហា ជុំ ស៊ីថា ដែលបច្ចុប្បន្នលោកកំពុងសាងជីវិតគ្រួសារយ៉ាងមានសុភមង្គលជាមួយភរិយាឈ្មោះ សាង មេត្តា ជាអ្នកស្ថិតនៅក្រៅរង្វង់សិល្បៈ និង ជាកូនអ្នកជំនួញមានទ្រព្យសម្បត្តិស្ដុកស្ដម្ភម្នាក់។ បច្ចុប្បន្ន លោក និង ភរិយា ក៏ទទួលបានចំណងដៃកូនប្រុសស្រីចំនួន ៦ នាក់ ហើយដែរ ដោយមានភ្លោះ ៣ ថែមទៀតផង។

បើទោះដាច់ផឹងលើអាជីពសិល្បៈ លោក ជុំ ស៊ីថា ហាក់ធ្វើឱ្យមហាជនអ្នកគាំទ្របើកភ្នែកធំៗ និង និយាយមិនដាច់ពីមាត់ ក៏ព្រោះតែលោកគឺជាតារាប្រុសមួយរូប ដែលមានសំណាងទទួលបានភរិយាដ៏ស្រស់ស្អាត និង មានមុខជំនួញមានទ្រព្យពេញក្នុងដៃ អាចរាប់បញ្ជូលជាតារាប្រុសលំដាប់អភិជនថែមទៀតផង។

យ៉ាងណាមិញ បើក្រឡេកទៅមើលរូបលោកជាស្វាមីវិញ ក៏មិនខុសពីភរិយានោះដែរ ដោយមាននារីៗជាច្រើនប្រាថ្នាចង់បានប្តីល្អដូចជាលោក ខណៈលោក ជុំ ស៊ីថា បានបង្ហោះសារររៀបរាប់ពីភាពស្មោះត្រង់របស់លោករវាងភរិយា។

ក្នុងនោះ លោក ជុំ ស៊ីថា បានរៀបរាប់ថា ៖ «ចាប់តាំងពីខ្ញុំមានគ្រួសារមក ខ្ញុំមិនដែលផ្តល់ក្តីសង្ឃឹមឱ្យទៅនារីផ្សេងដាច់ខាត ស្មោះត្រង់ណាស់ចំពោះគ្រួសារប្រពន្ធកូន! ទោះបីជាមានមនុស្សស្រីស្អាតៗ ផ្ញើសារមកចង់លេបខាយ ខ្ញុំតែងតែ block ចោលជានិច្ច។ មិនចង់ឱ្យប្រពន្ធកូនពិបាកចិត្តនូវទង្វើលាក់លៀមផិតក្បត់នោះទេ។ Passwords ឱ្យប្រពន្ធគ្រប់គ្រងទាំងអស់ មើលតែខ្ញុំដាក់លើ profile ទៅដឹងហើយ ដាក់តាំងពីស្គាល់ប្រពន្ធដំបូង (ខំមិនបាន ហាមឆាត) ខ្ញុំជឿលើភាពស្មោះត្រង់ និង ផ្តល់តម្លៃឱ្យខ្ញុំរុងរឿងនៅថ្ងៃណាមួយជាមិនខាន»៕