ថ្មីៗនេះ សារព័ត៌មានបរទេសបានរាយការណ៍ឱ្យដឹងថា Efecan Kultur ជាតារា TikTok របស់ទួកគី ដែលល្បីខាងញ៉ាំអាហារ Mukbang បានបាត់បង់ជីវិតទៅហើយក្នុងវ័យ ២៤ ឆ្នាំ ដោយសារតែជំងឺធាត់។
តាមព័ត៌មានបានឱ្យដឹងថា Efecan Kultur មានអ្នកតាមដានរហូតដល់ ១៥៥ ០០០ នាក់នៅលើបណ្តាញសង្គម TikTok ដោយលោកបានធ្វើវីដេអូជាច្រើន ដែលទាក់ទងនឹងការញ៉ាំអាហារ។ យ៉ាងណាមិញ គួរឱ្យសោកស្តាយ កាលពីថ្ងៃ ៧ ខែមីនា ឆ្នាំ ២០២៥ កន្លង Efecan Kultur បានបាត់បង់ជីវិតទៅហើយ ក្រោយពីបានប្រទះបញ្ហាសុខភាពយ៉ាងធ្ងន់ធ្ងរកាលពីខែធ្នូ ឆ្នាំ ២០២៤ កន្លងទៅនេះ គឺពិបាកធ្វើចលនា ព្រមទាំងពិបាកដកដង្ហើម ដែលជាផលប៉ះពាល់មកពីបញ្ហាធាត់។
យ៉ាងណាមិញ ម្តាយរបស់ Efecan Kultur ទើបតែបាត់បង់ជីវិតកាលពីឆ្នាំ ២០២៤ កន្លងទៅនេះ ដែលកាលនោះលោកមិនអាចចូលរួមគោរពសពម្តាយបានទៀត ព្រោះតែការពិបាកធ្វើចលនា និង ពិបាកដកដង្ហើមនេះឯង។ ដោយឡែក ខាងរដ្ឋបាលប្រទេសទួកគីបានឆ្លៀតឱកាសលើកករណីរបស់ Efecan Kultur មកដាស់តឿនទៅដល់យុវជនដែលចូលចិត្តធ្វើ Content ញ៉ាំអាហារបែប Mukbang ឱ្យមានការប្រុងប្រយ័ត្នចំពោះសុខភាពផងដែរ៕
ប្រភព៖ Khaosod
